Magdiretso sa kaundan

Magdiretso sa listahan sang kaundan

Paano Makabulig ang mga Ginikanan?

Paano Makabulig ang mga Ginikanan?

 Paano Makabulig ang mga Ginikanan?

GINPALIG-ON sang isa ka organisasyon para sa edukasyon sa Estados Unidos ang mga estudyante sa hayskul: “Himua gid ninyo ang tanan ninyo nga masarangan.” Agod malab-ot ang ila mga tulumuron, ang iban nga pamatan-on naglampas na sa masarangan sang ila pisikal nga lawas. Si Madeline Levine nga ginsambit sa nauna nga artikulo, nagsulat: “Madamo nga kabataan ang nangin masako katama asta nga nagamasakit na sila bangod sa dugang nga mga subject, madamo nga ekstrakurikular nga mga aktibidades, preparasyon sa hayskul kag kolehiyo, kag pagpa-tutor.” Ini nga mga estudyante mahimo magbalatian sa pisikal kag emosyonal.

Kon nabalaka ka kay pirme ginakapoy ang imo bata, kadtui ang ila eskwelahan. Istoryaha ang iya mga maestra, guidance counselor kag ang mga nagadumala sa eskwelahan. Sugiri sila sang imo naobserbahan sa imo bata. Kinamatarong mo ini.

Ginapalig-on sang Biblia ang mga ginikanan nga bantayan sing maayo ang pagdaku sang ila kabataan. Ginsilingan ni Moises ang Israelinhon nga mga ginikanan: “Itudlo mo sila [kasuguan sang Dios] sing makugihon sa imo mga anak, kag hambalon mo sila sa nagalingkod ka sa imo balay, kag sa nagalakat ka sa dalanon, kag sa nagahigda ka, kag sa nagabangon ka.”​—Deuteronomio 6:7.

Kon ginahimo mo ini, wala nagapahangop nga ginahilabtan mo ang pribado nga kabuhi sang imo bata. Nagapakita lamang ini nga palangga mo sia. Kag handa ka sa paghimo sing tanan agod mabuhinan ang kakapoy sang imo bata sa eskwelahan.

 [Retrato sa pahina 8, 9]

Ipakig-istorya ang mga kabudlayan sang imo bata sa iya mga maestra kag sa guidance counselor