“Matahom Gid Ini”

Amo ini ang ginsulat sang mag-asawa nga taga-Georgia, E.U.A. tuhoy sa Ano Gid ang Ginatudlo Sang Biblia? nga libro nga may 224 ka pahina kag may maduagon nga laragway nga ginbalhag sang 2005. Sila nagsaysay: “Simple lang ini nga ang bisan sin-o makabenepisyo sa sini. Apang, makabusog man ini sa espirituwal nga kinahanglanon bisan sadtong may mataas sing tinun-an.”

Ang tig-ulo pa lang nakakuha na sang interes, subong sang ginapakita sang eksperiensia sang mag-asawa nga taga-New Jersey, E.U.A. Pagkatapos matambungan ang kombension sang mga Saksi ni Jehova sa Florida, diin nakakuha sila sing libro, nagbakasyon sa Bahamas ang mag-asawa. Samtang ginausisa ang ila bagahe, nakita sang opisyal sa adwana ang libro, ginbasa niya ang tig-ulo kag nagsiling, “Madugay ko na nga luyag mahibaluan ang sabat sa sina nga pamangkot.” Nalipay gid ang opisyal sang ginhatagan sia sing ekstra nga kopya sang mag-asawa nga Saksi.

Pagkadason nga adlaw, nakita sang isa ka babayi nga nagalibod ining mag-asawa nga nagabasa sing libro sa higad-baybay. Nagsiling sia nga sang maaga nga bahin sina nga adlaw nangamuyo sia sa Dios sing sabat sa amo gid nga pamangkot—Ano Gid ang Ginatudlo Sang Biblia? Namangkot sia kon paano sia makatigayon sing kopya sang libro kag nalipay gid sia sang ginhatag sa iya sang mag-asawa ang ila katapusan nga ekstra nga kopya.

Ang Ano Gid ang Ginatudlo Sang Biblia? matigayon na karon sa kapin sa 145 ka lenguahe, kag kapin sa 40 ka milyon ka kopya ang naimprinta na. Makapangabay ka sing isa ka kopya paagi sa pagsulat sa kaupod nga kupon kag sa pagpadala sini sa adres nga ginhatag ukon sa nagakaigo nga adres sa pahina 5 sini nga magasin.

[Kahon sa pahina 32]

□ Interesado ako nga makabaton sing kopya sang libro nga ginpakita diri.

Isulat kon ano nga lenguahe.

 

□ Palihug kontaka ako tuhoy sa walay bayad nga pagtuon sa Biblia sa puluy-an.

[Retrato sa pahina 32]

Ngalan

Adres

Siudad Probinsia ZIP Code .

Watch Tower, P.O. Box 2044, 1060 Manila

[Retrato sa pahina 32]

www.watchtower.org

[Retrato sa pahina 32]

Ano Gid ang Ginatudlo sang Biblia?