Magdiretso sa kaundan

Magdiretso sa listahan sang kaundan

Kon Ngaa Wala Ako Nagasaulog sang Tigkalalag

Kon Ngaa Wala Ako Nagasaulog sang Tigkalalag

 Kon Ngaa Wala Ako Nagasaulog sang Tigkalalag

SANG NAGLIGAD nga tuig, samtang ang iya mga kaingod masako sa paghanda para sa Tigkalalag—sa pila ka pungsod, isa ka popular nga tuigan nga kapiestahan nga may mabakod nga kaangtanan sa espiritismo—ang 14 anyos nga si Michael nga taga-Canada may iban nga ginapamensar. Sa isa ka salaysay nga ginsulat niya para sa iya klase, si Michael nagsiling:

‘Subong nga gab-i bisperas sang Tigkalalag. Kon maggawa ako sa bintana, makita ko nga ang ugsaran sang amon mga kaingod may dekorasyon nga mga pantyon kag mga kalabera kag may nagasiga nga mga jack-o’-lantern sa ila mga bintana. * Ginahanda sang mga ginikanan ang mga kostyum nga gamiton sang ila kabataan; ginahanduraw sang kabataan kon daw ano kadamo nga dulse ang mabaton nila buas.

‘Tuhay ang akon pamilya. Ang amon ugsaran wala sing dekorasyon, kag wala sing nagasiga nga jack-o’-lantern sa amon bintana. Ginapamangkot ako sang mga tawo kon ngaa wala ako nagasaulog sang Tigkalalag. Una sa tanan, wala ini ginasaulog sang mga Saksi ni Jehova bangod sang ginhalinan sini. *

‘Sing makapakibot, nanamian ako kon Tigkalalag. “Ngaa?” mahimo mamangkot ka. Bangod ini nga tion nagapahunahuna sa akon. Nagapahunahuna ini sa akon tuhoy sa rason kon ngaa ginpili ko nga indi paghimuon ang pila ka butang. Ang kada isa amo ang magadesisyon kon bala importante sa iya ang ginhalinan sang isa ka kustombre. Para sa akon importante gid ini. Halimbawa, maugot gid ang kalabanan kon ang ila mga kaingod magsuksok sang panapton nga daw mga Nazi kon tulukon. Ngaa? Bangod sang ginhalinan sang uniporme sang mga Nazi kag sang ginarepresentar sini—mga prinsipio nga ginakaugtan sang kalabanan nga tawo. Ginakaugtan ko ang mga prinsipio nga ginalaragway sang mga demonyo, malaut nga mga espiritu, kag mga aswang, kag indi ko luyag nga makig-upod sa ila. Maayo gid nga pamensaron naton ang aton mga desisyon kag ang mga rason sa paghimo sini kag magdesisyon pasad sa mga prinsipio kag indi sa kon ano ang popular. Amo kon ngaa nanamian ako sini nga tion sang tuig. Ginapabugal ko nga tuhay ako kag sundon ko ang akon ginapatihan.’

[Mga nota]

^ par. 3 Ang jack-o’-lantern kalabasa nga gindesinyuhan sing guya, ilong, baba, kag mga mata. Ginabutangan ini sa sulod sing kandila ukon iban pa nga sahi sang suga.

^ par. 4 Para sa dugang pa nga impormasyon, tan-awa ang Awake! nga Oktubre 8, 2001, pahina 5-10.