Magdiretso sa kaundan

Magdiretso sa listahan sang kaundan

Indi Gid Ako Manigarilyo!

Indi Gid Ako Manigarilyo!

 Indi Gid Ako Manigarilyo!

INI nga topiko ang ginhatag sa ginatos ka estudyante nga nag-entra sa paindis-indis sa pagsulat sing binalaybay sa bug-os nga estado nga gin-isponsoran sang Missouri State Medical Association (MSMA) sa Estados Unidos. Mga 675 ka estudyante halin sa 42 ka eskwelahan ang nag-entra sa paindis-indis. Nabaton sang 12-anyos nga si Breanna ang premyo, kag ang iya nagdaug nga binalaybay ginbalhag sa magasin sang MSMA nga Missouri Medicine. May kahigayunan man si Breanna nga basahon ang iya binalaybay sa mga delegado nga nagtambong sa tuigan nga kombension sang MSMA. Apang antes sini, ginsugiran ni Breanna ang mga delegado:

“Isa ako ka Saksi ni Jehova, kag ang tanan nga impormasyon sa binalaybay naghalin sa magasin nga Magmata! Ang matuod, ang ideya sa isa sa akon paborito nga mga bahin sang binalaybay naghalin sa panghapin sini nga gua. Ginapakita diri ang isa ka bagol nga may sigarilyo sa baba kag nagasiling: ‘Pagbaligya Sing Kamatayon.’ Sa sulod sang madamong tinuig, ginbalhag sang magasin nga Magmata! ang madamong artikulo tuhoy sa mga halit sang pagpanigarilyo.”

Wala nagapanabako ang mga Saksi ni Jehova. Nagapati sila nga ang hungod nga paggamit sang bisan ano nga butang nga nagahigko sa lawas indi pagpakita sing pagtahod sa regalo nga kabuhi, kag sa Manunuga. (Binuhatan 17:24, 25) Gani, ginasunod nila ang laygay sang Biblia: “Tinluan ta ang aton kaugalingon sang tanan nga kadagtaan sang lawas kag espiritu.”—2 Corinto 7:1.

Kaangay sang iban pa nga Saksi nga mga pamatan-on, nagatinguha si Breanna nga magkabuhi suno sa mga prinsipio sang Biblia. Pat-od gid nga ginapasadya sining tanan nga pamatan-on ang tagipusuon sang ila Manunuga.—Hulubaton 27:11.

[Retrato sa pahina 31]

Si Breanna (14 anyos na karon) nga nagauyat sang ginsulat niya nga binalaybay