Magdiretso sa kaundan

Magdiretso sa listahan sang kaundan

Gikan sa Amon mga Bumalasa

Gikan sa Amon mga Bumalasa

 Gikan sa Amon mga Bumalasa

Mga Prinsipio Nakibot ako sa dinalan sa una nga parapo sang ikaduha nga artikulo sang serye nga “What Has Happened to Values?” (Hunyo 8, 2003, Awake!) Nagsiling ini: “Lakip sa pinakaimportante nga mga regalo nga mahatag sang mga ginikanan sa ila kabataan amo ang ila wala kondisyon nga gugma kag mga prinsipio nga ginapakita sang mga ginikanan kag wala lamang ginahambal.” Kon paabuton sang mga bata kag mga adulto nga dapat sila higugmaon, magahuyang gid man ang mga prinsipio.

K. B., Estados Unidos

Sabat sang “Magmata!”: Gingamit ang mga tinaga nga “wala kondisyon nga gugma” agod ipahangop nga indi dapat ipakita sang mga ginikanan nga ang ila gugma para sa ila kabataan madali madula ukon mahuyang​​—⁠⁠nga sa bisan ano nga tion mahimo indi paghigugmaon ang isa ka anak bangod nakasala sia ukon dapat mangin himpit ang anak agod higugmaon sia.​​—⁠⁠Efeso 6:⁠4; Colosas 3:21.

Para sa akon, matahom gid ang pagkasulat sang katapusan nga artikulo sa sini nga serye. Simple, makatarunganon, kag makapalig-on gid ang materyal. Matahom ang laragway. Salamat sa sining makapalipay nga mga artikulo.

M. P., Estados Unidos

Tubig Salamat sa artikulo nga “Life’s Precious Liquid​​—⁠⁠Water.” (Hunyo 8, 2003, Awake!) Ginkutlo sini nga artikulo ang isa ka espesyalista sa sobra nga katambukon nga nagpanugda nga dapat mag-inom ang mapagros nga mga tawo sing walo tubtob napulo ka tig-unkuarto ka litro nga baso sang tubig kada adlaw. Apang, para sa mga may balatian sa tagipusuon ukon sa batubato, ginasilingan sang mga doktor ang mga pasyente nga indi mag-inom sing madamo nga tubig.

T. A., Japan

Sabat sang “Magmata!”: Indi palareho ang mga rekomendasyon tuhoy sa sini. Ang iban nga mga eksperto nagasiling nga kon may pila ka sahi sang balatian ang isa ka tawo, dapat limitehan ang ginainom nga tubig. Maalamon nga magpakonsulta sa imo doktor para sa dugang pa nga rekomendasyon.

Postpartum Depression Isa ako ka iloy, kag may isa ka tuig nga bata nga babayi nga palangga ko gid. Nabatyagan ko gid ang mainamligon nga pag-atipan ni Jehova sang ginbuksan ko ang Magmata! kag ginbasa ang artikulo nga “Paghangop sa Postpartum Depression.” (Hunyo 8, 2003) Nagapasalamat gid ako sa sini nga artikulo. Ginaapresyar ko gid nga katapo ako sang isa ka organisasyon nga nagaatipan sing mapinalanggaon sa tagsa sini nga katapo. Salamat, salamat!

M. G., Espanya

Crossword Puzzle Salamat sa Hunyo 8, 2003, nga Awake! Nakita ko ang isa ka bahandi nga ginakalangkagan ko​​—⁠⁠ang crossword puzzle! Mga apat na ka tuig ako nga Saksi ni Jehova, kag nasabat ko ang halos tanan nga puzzle nga nabalhag sa sulod sini nga panahon. Isa ini ka maayo nga paagi agod mahibaluan ang Kasulatan. Padayuna ninyo ining maayong hilikuton. Ginakalangkagan ko ang pagsabat sa madamo pa ninyo nga mga puzzle sa palaabuton!

K. G., Estados Unidos

Sabat sang “Magmata!”: Sa pila ka lenguahe, ang “Nahibaluan Mo Bala?” amo ang tal-us sa “crossword puzzle.”

Igbalatyag Salamat sa serye nga “Life’s Amazing Senses​​—⁠⁠Do You Appreciate Them?” (Marso 8, 2003, Awake!) Ang aton mga igbalatyag nagabulig gid sa aton nga pabaloran ang kabuhi kag ang aton palibot. Ang kasubong sini nga mga artikulo nagapabakod sang aton gugma sa Dios. Salamat sa pagbalhag ninyo sini.

J. N., Burundi

Materyalismo Luyag ko kamo pasalamatan sa artikulo nga “Ang Pagtamod Sang Biblia: Ano ang Materyalismo?” (Abril 8, 2003) Matuod nga madamo sa karon ang luyag gid magmanggaranon, kag makapasubo nga naapektuhan man sini nga problema ang mga Cristiano. Ginbuligan ako sini nga artikulo nga mahangpan kon ano ang materyalismo kag paano ini malikawan. Himuon ko karon ang bug-os ko nga masarangan nga magkonsentrar sa espirituwal nga mga butang kag indi sa materyal nga mga butang. Madamo nga salamat sa pagbalhag ninyo sining impormatibo nga artikulo!

Z. K., Rusya