“Ginsalbar sang Magmata! ang Akon Kabuhi!”

Ang manugbalhag sang Magmata! nakabaton sing isa ka sulat sang pagpasalamat halin sa Italya. Sing bahin, mabasa ini:

“Ginabasa ko ang Magmata! sa sulod sang 40 na ka tuig, kag ginadayaw ko gid ang pagpresentar sini sing madamo kag mapuslanon nga mga topiko. Sining karon lang, samtang yara ako sa trabaho nagsakit ang akon tiyan kag dughan. Namat-od ako nga magpauli, apang sang nagsakit liwat, nahibal-an ko kon ano ang nagakatabo sa akon. Nadumduman ko sing maathag ang isa ka artikulo sa Magmata! nga nagalaragway sang mga sintoma sang atake sa tagipusuon. * Nagdesisyon ako nga magpaospital. Samtang yara pa lang ako sa hulot-hululatan nagdunglay ang akon ulo kag nalipong ako. Ginsugiran na lang ako tuhoy sa sini pagkadason nga adlaw samtang yara ako sa intensive care.

“Buhi ako subong bangod sang maabtik nga pagbulig sang sangkol nga mga doktor. Apang ginapasalamatan ko man ang inyo magasin, nga naghatag sing impormasyon nga nagbulig sa akon sa paghimo sing maalamon nga desisyon nga magkadto sa ospital. Ginsalbar sang Magmata! ang akon kabuhi!”

[Nota]

^ par. 3 Tan-awa ang amon isyu sang Disiembre 8, 1996, pahina 6.