Magdiretso sa kaundan

Magdiretso sa listahan sang kaundan

Kon Paano Mangin Malipayon ang Pamilya

Kon Paano Mangin Malipayon ang Pamilya

 Kon Paano Mangin Malipayon ang Pamilya

“KUWARENTA ka tuig ko na nga ginabasa ang mga magasin nga Lalantawan kag Magmata!,” sulat ni Graciela nga taga-Argentina, Bagatnan nga Amerika. “Sa karon, pagligad sang madamo nga tinuig, masiling ko gid nga ginhatag sini ang akon mga kinahanglanon. Nabuligan ako sini sang bata ako, sang tin-edyer ako, sang may nobyo ako kag nagpamana, kag sa pagpadaku sa akon anom ka anak.

“Ang mga magasin nagabulig sa amon nga mag-asawa kon paano padakuon ang amon apat ka anak nga nagapuyo pa sa balay. Ginagamit ko ang mga magasin sa pagpakighambal sa akon mga anak kag sa ila mga manunudlo sa eskwelahan. Ginabasa ko sing direkta ang Magmata! kon nagapakighambal sa mga doktor tuhoy sa mga problema sa panglawas. Sa bulig sang mga serye sang mga artikulo nga may titulo sang panghapin nga “Help for Children With Learning Disabilities” (Pebrero 22, 1997, Awake!), narealisar namon nga ang isa sang amon mga anak may problema gali sa pagtuon.”

Ang mga publikasyon sang Watch Tower Society makabulig sa mga pamilya kon paano lubaron ang madamong problema nga ginaatubang nila kag kon paano mangin malipayon. Halimbawa, ang 192-pahina nga libro nga Ang Sekreto sang Kalipay sa Pamilya makabulig sa mga bana, mga asawa, mga ginikanan, mga kabataan, mga lolo kag mga lola—huo, sa tanan nga katapo sang pamilya. Lakip sa makatudlo nga mga kapitulo sini amo ang masunod: “Hanasa ang Inyo Anak Kutob sa Pagkalapsag,” “Buligi ang Inyo Tin-edyer nga mga Anak sa Pag-uswag,” “Amligi ang Imo Pamilya Gikan sa Makahalalit nga mga Impluwensia,” kag “Sarang Mo Malandas ang mga Problema nga Nagahalit sa Pamilya.”

Para sa imo kopya, sulati palihug kag ipadala sa koreo ang kaupod nga kupon, nga nagagamit sang direksion nga ginhatag ukon ang nagakaigo nga direksion sa pahina 5 sining magasin. Makabaton ikaw sing espesipiko nga mga panugda nga makabulig sa imo sa paglubad sa mga problema kag makapahalipay sa pamilya nga amo ang gintuyo sang Manunuga.

□ Padalhi ako sing isa ka kopya sang libro nga Ang Sekreto sang Kalipay sa Pamilya.

□ Palihug pakig-anguti ako may kaangtanan sa wala bayad nga pagtuon sing Biblia sa puluy-an.

[Laragway sa pahina 32]

Si Graciela kag ang iya pamilya