Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Tudlui ang Inyo Kabataan

 LEKSION 11

Nagsulat Sila Parte kay Jesus

Nagsulat Sila Parte kay Jesus

Nakita mo bala ang mga lalaki sa piktyur?— Sila amo sanday Mateo, Marcos, Lucas, Juan, Pedro, Santiago, Judas, kag Pablo. Sila tanan nagkabuhi sang ari si Jesus sa duta kag nagsulat sila parte sa iya. Kilalahon pa gid naton sila.

Ano ang nabal-an mo parte sa sini nga mga lalaki?

Ang tatlo sa ila mga apostoles nga nagwali upod kay Jesus. Kilala mo bala kon sin-o ining tatlo?— Sila amo sanday Mateo, Juan, kag Pedro. Kilala gid nanday  Mateo kag Juan si Jesus, kag ang kada isa sa ila nagsulat sing libro parte sa iya. Si apostol Juan nagsulat man sing libro nga Bugna, kag sing tatlo pa gid ka sulat nga Unang Juan, Ikaduhang Juan, kag Ikatlong Juan. Si apostol Pedro may ginhimo man nga duha ka sulat sa Biblia. Gintawag ini nga Unang Pedro kag Ikaduhang Pedro. Sa iya ikaduha nga sulat, ginsugid ni Pedro ang hitabo sang naghambal si Jehova sa langit kag nagsiling parte kay Jesus: ‘Ini ang akon anak nga akon ginapalangga kag ginapabugal.’

Ang iban pa nga lalaki sa piktyur nagasugid man sa aton parte kay Jesus paagi sa mga libro nga ginsulat nila. Ang isa sa ila amo si Marcos. Posible nga ara sia sang gindakop si Jesus kag nakita gid niya ang tanan nga natabo. Ang isa pa amo si Lucas. Isa sia ka doktor kag mahimo nga nangin Cristiano sia sang napatay na si Jesus.

Ang duha pa ka manunulat sang Biblia nga ara man sa piktyur mga manghod ni Jesus. Kilala mo bala sila?— Sila amo sanday Santiago kag Judas. Sang primero, wala sila nagpati kay Jesus. Abi gani nila nagbuang na sia. Pero sang ulihi nagpati sila kag nangin mga Cristiano.

Ang katapusan nga makita mo sa piktyur amo si Pablo. Antes sia nangin Cristiano, ginatawag sia nga Saulo. Akig gid sia sa mga Cristiano kag ginapintasan niya sila. Bal-an mo bala kon ngaa nangin Cristiano si Pablo?— Isa ka adlaw, samtang nagalakat sia sa dalan, may naghambal sa iya halin sa langit. Si Jesus! Ginpamangkot niya si Pablo: ‘Ngaa ginapintasan mo ang mga nagatuo sa akon?’ Pagkatapos sini, nagbag-o si Pablo kag nangin isa ka Cristiano. Si Pablo ang nagsulat sang 14 ka libro sa Biblia, halin sa Roma asta sa Hebreo.

Ginabasa naton ang Biblia kada adlaw, indi bala?— Paagi sa pagbasa sang Biblia, madamo kita sing matun-an parte kay Jesus. Gusto mo bala madugangan ang imo nabal-an parte kay Jesus?—