Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Sumaryo Halin sa What Can the Bible Teach Us?

8. Ano ang Ginharian sang Dios?

8. Ano ang Ginharian sang Dios?

1 ANG GINHARIAN SANG DIOS ISA KA MATUOD NGA GOBIERNO

“Magkari ang imo Ginharian. Matuman ang imo kabubut-on sa duta subong sang sa langit.”Mateo 6:9-13

Ano ang Ginharian sang Dios?

  • Bugna 11:15

    Ang Ginharian ukon gobierno sang Dios nga ara sa langit, magagahom sa duta.

  • 1 Timoteo 6:15

    Si Jesus ang Hari sang Ginharian sang Dios.

  • Bugna 14:1, 4

    Ang 144,000 ka tawo magagahom upod kay Jesus sa langit.

  • Hebreo 4:15; 5:8

    Naintiendihan gid ni Jesus kag sang 144,000 ang aton balatyagon kag ang aton mga problema.

2 SI JESUS AMO ANG MANGIN PINAKAMAAYO NGA MANUGGAHOM

“Magahukom sia sing matarong sa mga kubos [ukon, imol].”Isaias 11:4

Ngaa si Jesus ang pinakamaayo nga mangin Hari sang Ginharian?

  • 1 Timoteo 6:16

    Ang tanan nga tawo nga nagagahom mapatay gid, pero si Jesus indi mapatay. Ang tanan nga maayo nga butang nga himuon ni Jesus para sa aton magapadayon asta san-o.

  • Isaias 11:2-4

    Mas madamo sing mahimo nga maayo si Jesus sangsa kay bisan sin-o nga gumalahom nga tawo. Bisan tingbon pa ang gahom sang tanan nga lider sang kalibutan, mas gamhanan gihapon si Jesus. Matarong sia kag maluluy-on.

3 TUMANON GID SINI NGA GINHARIAN ANG KABUBUT-ON SANG DIOS

“Ang Dios sang langit magatukod sing isa ka ginharian nga indi gid malaglag.”Daniel 2:44

Ano na ang nahimo sang Ginharian? Ano pa ang himuon sini sa palaabuton?

  • Bugna 12:7-12

    Sang nangin Hari si Jesus sang 1914, gintabog niya si Satanas sa langit kag gintagbong sa duta. Amo kon ngaa grabe gid ang kabudlayan, kasakit, kag pag-antos sa bilog nga duta.

  • Manugwali 8:9; Bugna 16:16

    Sa Armageddon, laglagon sang Ginharian sang Dios ang tanan nga mapintas kag korap nga gobierno.

  • Salmo 37:10

    Ang mga tawo nga padayon nga nagahimo sing malain pagalaglagon.

  • Bugna 22:1-3

    Kon maggahom na ang Ginharian sang Dios sa duta, wala na sing magamasakit ukon mapatay kag ang tanan nga tawo magahatag sing kadungganan sa ngalan sang Dios.