Magdiretso sa kaundan

Magdiretso sa listahan sang kaundan

7. May Pagkabanhaw!

7. May Pagkabanhaw!

1 DULAON NI JEHOVA ANG KAMATAYON

“Ang kamatayon amo ang katapusan nga kaaway nga iya dulaon.”1 Corinto 15:26

Paano ang Biblia nagahatag sa aton sing matuod nga lugpay ukon paumpaw kon may mapatay?

  • 2 Corinto 1:3, 4

    Kon mapatyan kita sing kapamilya ukon malapit nga abyan, ayhan magalalain kita pero wala gid kita sing mahimo. Ang Biblia nagahatag sa aton sing matuod nga paumpaw.

  • Isaias 25:8; 26:19

    May gahom si Jehova sa pagdula sang kamatayon sing dayon. Banhawon pa gani niya ang mga napatay.

2 MAKASALIG GID KITA NGA MAY PAGKABANHAW

“Inday, nagasiling ako sa imo, ‘Bangon ka!’”Marcos 5:41

Ngaa makasalig gid kita nga may pagkabanhaw?

  • Juan 11:1-44

    Ginbanhaw ni Jesus si Lazaro.

  • Marcos 5:22-24, 35-42

    Ginbanhaw ni Jesus ang isa ka bata nga babayi.

  • Juan 11:41, 42

    Ginbanhaw ni Jesus ang mga patay paagi sa gahom nga halin kay Jehova.

  • Juan 12:9-11

    Madamo ang nakasaksi sa pagbanhaw ni Jesus sa mga patay. Bisan ang mga kaaway ni Jesus nakahibalo nga masarangan niya ini himuon.

3 BANHAWON NI JEHOVA ANG BINILYON HS-.5NGA NAPATAY

“Magapanawag ka, kag magasabat ako. Ginahandum mo gid nga makita ang imo binuhatan.”Job 14:13-15

Sin-o ang banhawon?

  • Juan 5:28, 29

    Ang tanan nga ara sa handumanan ni Jehova pagabanhawon.

  • Binuhatan 24:15

    Banhawon ang mga tawo nga matarong kag indi matarong.

  • Isaias 40:26

    Madumduman ni Jehova ang ngalan sang kada bituon, gani madumduman man niya ang tanan nga detalye parte sa mga tawo nga iya banhawon.

4 ANG IBAN NGA TAWO BANHAWON PARA MAGKABUHI SA LANGIT

“Malakat ako agod maghanda sang lugar para sa inyo.”Juan 14:2

Sin-o ang banhawon para magkabuhi sa langit?

  • 1 Pedro 3:18

    Si Jesus ang una nga persona nga ginbanhaw para magkabuhi sa langit.

  • Lucas 12:32

    Siling ni Jesus, pila lang sa iya mga disipulo ang banhawon para magkabuhi sa langit.

  • Bugna 14:1

    Nagpili si Jehova sing 144,000 ka tawo para magkabuhi sa langit.