Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Sumaryo Halin sa What Can the Bible Teach Us?

5. Ang Gawad—Pinakabilidhon nga Regalo sang Dios

5. Ang Gawad—Pinakabilidhon nga Regalo sang Dios

1 KINAHANGLAN NATON TANAN ANG GAWAD

‘Ang Anak sang tawo nagkari agod ihatag ang iya kabuhi nga gawad kabaylo sang madamo.’Mateo 20:28

Ngaa kinahanglan naton ang gawad?

  • Genesis 3:17-19

    Sang ginsupak ni Adan ang Dios, indi na sia abyan ni Jehova, nadula niya ang iya perpekto nga kabuhi, kag ang iya Paraiso nga ilistaran.

  • Roma 5:12

    Napanubli naton ang sala kag kamatayon bangod sa ginhimo ni Adan.

  • Efeso 1:7

    Ang gawad amo ang paagi ni Jehova para mahilway ang mga tawo sa sala kag kamatayon.

2 GIN-AMAN NI JEHOVA ANG GAWAD

“Ginpadala [sang Dios] ang iya bugtong nga Anak sa kalibutan agod maagom naton ang kabuhi paagi sa iya.”1 Juan 4:9

Paano ni Jehova gin-aman ang gawad?

  • Salmo 49:7, 8

    Wala sa aton sang makasarang maggawad sang perpekto nga kabuhi nga gindula ni Adan.

  • Lucas 1:35

    Ginpadala ni Jehova ang iya pinalangga nga Anak sa duta para mabun-ag subong perpekto nga tawo.

  • Roma 3:23, 24; Hebreo 9:24

    Sa tapos mabanhaw si Jesus, nagbalik sia sa langit, kag ginpresentar kay Jehova bilang gawad ang balor sang iya perpekto nga kabuhi subong tawo.

3 ANG GAWAD NAGAHATAG SA ATON SING MATUOD NGA PAGLAUM

“Pahiran niya ang tagsa ka luha sa ila mga mata, kag wala na sing kamatayon.”Bugna 21:4

Ano ang aton mga benepisyo sa gawad?

  • 1 Juan 1:8, 9

    Mapatawad ang aton mga sala.

  • Hebreo 9:13, 14

    May matinlo kita nga konsiensia sa atubangan sang Dios.

  • Roma 6:23

    May paglaum kita nga mabuhi sing wala katapusan.

  • Galacia 2:20

    Ang regalo nga gawad ebidensia nga palangga gid kita ni Jehova kag ni Jesus.

4 DAPAT NATON BATUNON ANG GAWAD

“Ginhatag [sang Dios] ang iya bugtong nga Anak, agod ang tanan nga nagatuo sa iya . . . makatigayon sang kabuhi nga wala sing katapusan.”Juan 3:16

Paano naton mapakita nga ginapasalamatan naton ang gawad nga regalo sang Dios?

  • Juan 17:3

    Kilalaha si Jehova kag si Jesus, kag sunda sila.

  • Lucas 22:19

    Magtambong sa Memoryal sang kamatayon sang Cristo kada tuig.

  • Juan 3:36; Santiago 2:26

    Indi lang kita basta magsiling nga nagapati kita kay Jesus. Dapat naton tumanon ang ginapahimo niya sa aton.