Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Sumaryo Halin sa What Can the Bible Teach Us?

2. Ang Biblia—Libro Halin sa Dios

2. Ang Biblia—Libro Halin sa Dios

1 ANG BIBLIA HALIN SA DIOS

“Ang pagsulat sa bug-os nga Kasulatan gintuytuyan sang Dios.”2 Timoteo 3:16

Ngaa lain gid ang Biblia sa iban nga libro?

Ang Biblia mabasa sa mga 2,600 ka lenguahe, kag binilyon na ka kopya sini ang naimprinta.

May mga impormasyon nga mabasa mo diri nga wala sa iban nga libro.

2 ANG BIBLIA ISA KA LIBRO SANG TAGNA

Ang “Dios . . . indi makabutig.”Tito 1:2

Ngaa masaligan mo ang Biblia?

  • Isaias 44:27–45:2

    Gintagna sang Biblia kon paano mapierde ang Babilonia, ginatos ka tuig antes ini natabo.

  • 2 Timoteo 3:1-5

    Ang mga tagna sa Biblia nagakatuman subong.

  • Numeros 23:19

    Masaligan naton ang ginasiling sang Biblia parte sa palaabuton.

3 ANG BIBLIA GINDESINYO PARA BULIGAN KA

“Ako si Jehova nga imo Dios, ang nagatudlo sa imo para sa imo kaayuhan.”Isaias 48:17

Ano ang imo natun-an parte sa Biblia?

  • Job 26:7; Isaias 40:22

    Ang ginasiling sang Biblia parte sa siensia sibu gid.

  • Numeros 20:2-12

    Ang mga manunulat sang Biblia tampad ukon wala sing ginatago.

  • Mateo 5-7

    Gintudluan kita ni Jesus kon paano mangin malipayon, kon paano makigbagay sa iban, kon paano mangamuyo, kag kon ngaa indi naton pag-unahon ang pagpangita sing kuarta.

4 ANG BIBLIA MAKAPABAG-O SANG IMO KABUHI

“Ang pulong sang Dios buhi kag gamhanan.”Hebreo 4:12

Ano ang mabulig sa imo sang Pulong sang Dios?

  • Makabulig ini sa imo nga maintiendihan ang katuyuan sang Dios.

  • Makabulig ini sa imo nga mausisa kon ano ikaw nga klase sang tawo.

  • Makabulig ini sa imo nga mabal-an kon ano ang ginapahimo sang Dios sa imo.

Gusto sang Dios nga basahon mo, tun-an, kag pabaloran ang Biblia.