Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Sumaryo Halin sa What Can the Bible Teach Us?

18. Kinahanglan Gid Bala nga Idedikar Ko ang Akon Kabuhi sa Dios kag Magpabawtismo?

18. Kinahanglan Gid Bala nga Idedikar Ko ang Akon Kabuhi sa Dios kag Magpabawtismo?

1 KINAHANGLAN GID BALA AKO MAGPABAWTISMO?

“Tan-awa! May tubig diri; ano ang nagapugong sa akon sa pagpabawtismo?”Binuhatan 8:36

Ngaa kinahanglan mo magpabawtismo kag paano ini ginahimo?

Ang bawtismo nagapakita nga ginbiyaan mo na ang imo pagkabuhi sadto kag ginsugdan mo na ang bag-o nga kabuhi nga nagahimo sang kabubut-on sang Dios.

  • Mateo 28:19, 20

    Kinahanglan mo magpabawtismo para maalagad mo si Jehova.

  • Salmo 40:8

    Paagi sa bawtismo, ginapakita mo sa iban nga gusto mo mag-alagad sa Dios.

  • Mateo 3:16

    Dapat bug-os ka nga gintum-oy, ukon ginpasalop sa tubig, pareho kay Jesus.

2 WALA NAGAPAABOT SI JEHOVA SANG INDI MO MASARANGAN

“Amo ini ang kahulugan sang gugma sa Dios, nga tumanon naton ang iya mga sugo; apang ang iya mga sugo indi mabug-at.”1 Juan 5:3

Ngaa indi ka dapat mahadlok sa pagdedikar sang imo kaugalingon kay Jehova?

  • Salmo 103:14; Isaias 41:10

    Indi kinahanglan nga mangin perpekto ka para makadedikar kay Jehova. Buligan ka niya para mahimo mo ang husto.

  • Colosas 1:10

    Ang imo gugma kay Jehova makabulig sa imo nga madaug ang kahadlok nga indi sia matuman.

3 MGA TIKANG NGA DAPAT HIMUON PARA MABAWTISMUHAN KA

“Ang paghimo sang imo kabubut-on, O Dios ko, amo ang akon kalipay, kag ang imo kasuguan yari sa akon tagipusuon.”Salmo 40:8

Ano ang dapat mo himuon para madedikar mo ang imo kaugalingon kay Jehova?

  • Juan 17:3

    TUN-I ANG PULONG SANG DIOS

    Kilalaha si Jehova kag si Jesucristo. Samtang nagadugang ang imo matun-an parte sa ila, nagadugang man ang imo pagpalangga sa ila.

  • Hebreo 11:6

    PABAKURA ANG IMO PAGTUO

    Saligi ang mga promisa sang Dios kag ang gahom sang halad ni Jesus sa pagluwas sa aton sa sala kag kamatayon.

  • Binuhatan 3:19

    MAGHINULSOL

    Buot silingon, sinsero nga pagkasubo sa imo nahimo nga mga sala.

    MAGBAG-O

    Nagakahulugan ini nga untatan mo ang tanan nga sala nga ginahimo mo kag himuon mo ang husto.

  • 1 Pedro 4:2

    IDEDIKAR ANG IMO KAUGALINGON

    Ginadedikar mo ang imo kabuhi kay Jehova kon nagsaad ka sa iya sa pangamuyo nga sia lang ang simbahon mo kag ang paghimo sang iya kabubut-on amo gid ang pinakaimportante sa imo kabuhi.