Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Sumaryo Halin sa What Can the Bible Teach Us?

11. Ngaa Grabe Gid ang Pag-antos?

11. Ngaa Grabe Gid ang Pag-antos?

1 INDI SI JEHOVA ANG KABANGDANAN SANG PAG-ANTOS

“Imposible nga ang matuod nga Dios maghimo sing malaut, nga ang Labing Gamhanan maghimo sing sayop!”Job 34:10

Ngaa grabe gid ang pag-antos sa kalibutan?

  • 1 Juan 5:19

    Si Satanas nga Yawa ang nagagahom sa kalibutan.

  • Manugwali 8:9

    Ginapaantos sang mga tawo ang ila isigkatawo.

  • Manugwali 9:11

    Kon kaisa, ang mga tawo nagaantos bangod natabuan nga sang may malain nga natabo sa isa ka lugar, ara sila didto.

  • 1 Pedro 5:7

    Palangga gid ni Jehova ang mga tawo. Indi gid niya gusto nga mag-antos sila.

2 GINKUWESTYON NI SATANAS ANG KINAMATARONG NI JEHOVA SA PAGGAHOM

“Nakahibalo ang Dios nga . . . magamuklat ang inyo mga mata kag mangin kaangay kamo sa Dios, nga nakahibalo kon ano ang maayo kag malain.”Genesis 3:5

Ngaa wala ginbalewala ni Jehova ang pagkuwestyon ni Satanas?

  • Genesis 3:2-5

    Gin-akusahan ni Satanas ang Dios nga malain nga manuggahom. Gusto ni Satanas nga papatihon ang mga tawo nga may kinamatarong sila nga magdesisyon kon ano ang maayo ukon malain para sa ila.

  • Job 38:7

    Ginkuwestyon ni Satanas si Jehova sa atubang sang minilyon ka anghel.

3 NAPASLAWAN SI SATANAS

“Wala sing ikasarang ang tawo sa pagtuytoy sang iya tikang.”Jeremias 10:23

Ngaa kadugay na gid sang pag-antos sang mga tawo?

  • Isaias 55:9

    Gintestingan na sang mga tawo ang tanan nga klase sang gobierno, pero indi gid nila masarangan nga gamhan ang ila isigkatawo kon wala ang bulig sang Dios.

  • 2 Pedro 3:9, 10

    Ginhatagan kita ni Jehova sing tion para makilala sia kag magdesisyon nga pilion sia bilang aton Manuggahom.

  • 1 Juan 3:8

    Si Jesus ang gamiton ni Jehova sa pagdula sang tanan nga halit ni Satanas kag sang epekto sini.

4 GAMITA ANG IMO KAHILWAYAN SA PAGPILI NGA ALAGDON SI JEHOVA

“Magmaalam ka, anak ko . . . agod masabat ko sia nga nagayaguta sa akon.”Hulubaton 27:11

Ngaa wala kita ginapilit ni Jehova nga mag-alagad sa iya?

  • Hulubaton 30:24

    Ang mga sapat nagahulag paagi sa duna nga kaalam, pero ginhatagan kita ni Jehova sing kahilwayan sa pagpili. Makapili kita kon bala maalagad kita sa iya ukon indi.

  • Mateo 22:37, 38

    Gusto ni Jehova nga mag-alagad kita sa iya kay palangga naton sia.