Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Sumaryo Halin sa What Can the Bible Teach Us?

10. Ang Kamatuoran Parte sa mga Anghel

10. Ang Kamatuoran Parte sa mga Anghel

1 ANG MGA ANGHEL MIEMBRO SANG PAMILYA SANG DIOS

“Dayawa ninyo si Jehova, tanan kamo nga gamhanan nga mga anghel niya.”Salmo 103:20

Ano ang nabal-an naton parte sa mga anghel?

  • Job 38:4-7

    Gintuga ni Jehova ang mga anghel antes niya gintuga ang duta.

  • Bugna 5:11

    Minilyon ang kadamuon sang mga anghel.

  • 1 Pedro 1:11, 12

    Interesado gid ang mga anghel sa katuyuan ni Jehova para sa duta.

  • Lucas 15:10

    Interesado gid ang mga anghel sa mga alagad sang Dios.

2 ANG MGA ANGHEL NAGABULIG SA MGA ALAGAD SANG DIOS

“Ang anghel ni Jehova nagabantay sa tanan nga nagakahadlok sa Iya, kag ginaluwas niya sila.”Salmo 34:7

Ngaa nabal-an naton nga ang mga anghel makabulig sa mga tawo?

3 GINATINGUHAAN SANG MGA DEMONYO NGA HALITAN KITA

“Indi kita madaug ni Satanas, kay nakahibalo gid kita sang iya mga pahito.”2 Corinto 2:11

Sin-o ang mga demonyo, kag ngaa makahalit gid sila sa aton?

  • Bugna 12:9

    Ang isa ka anghel nagrebelde kay Jehova. Ini nga anghel gintawag nga Satanas.

  • Genesis 6:2

    Sang panahon ni Noe, ang iban nga anghel nagrebelde kag nagpanaug sa duta.

  • Mateo 9:34

    Ini nga mga anghel nagbuylog sa pagrebelde ni Satanas kag nangin mga demonyo.

  • Deuteronomio 18:10, 11

    Ginatinguhaan sang mga demonyo nga patalangon ang mga tawo kag halitan sila sa bisan ano nga paagi.

4 MABATUAN MO SI SATANAS KAG ANG MGA DEMONYO

“Pamatuki ang Yawa, kag magapalagyo sia sa inyo.”Santiago 4:7

Paano ka mabuligan ni Jehova nga makabato kay Satanas kag sa mga demonyo?

  • Binuhatan 19:19

    Ihaboy ang tanan nga butang nga may labot sa demonismo nga nagapakita nga ang madyik, mga demonyo, ukon ang indi mapaathag nga gahom kalingawan lang kag indi makahalit.

  • Efeso 6:16, 18

    Pabakura ang imo pagtuo paagi sa pagtuon sa Biblia, kag pagpangamuyo sa proteksion sang Dios.

  • Hulubaton 18:10

    Sambita ang ngalan ni Jehova.