Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Ang Biblia—Ano ang Mensahe Sini?

 SEKSION 19

Ang Tagna ni Jesus Parte sa Matabo sa Bug-os nga Kalibutan

Ang Tagna ni Jesus Parte sa Matabo sa Bug-os nga Kalibutan

Gintagna ni Jesus ang tanda sang iya paggahom sa iya Ginharian kag ang katapusan sining malaut nga kalibutan

SA Bukid sang mga Olibo makita gid ang Jerusalem kag ang templo sini. Sa sini nga bukid namangkot ang apat ka disipulo ni Jesus parte sa iya pila ka ginsiling. Bag-o lang nagsiling si Jesus nga malaglag ang templo sa Jerusalem. Antes sini, ginsilingan niya sila parte sa “katapusan sang sistema sang mga butang.” (Mateo 13:40, 49) Namangkot karon ang mga apostoles: “Ano ang mangin tanda sang imo presensia kag sang katapusan sang sistema sang mga butang?”—Mateo 24:3.

Sa iya sabat, ginsugid ni Jesus kon ano ang matabo antes sang kalaglagan sang Jerusalem. Pero indi lang amo sina ang iya buot silingon. May daku pa nga katumanan sa ulihi sa bug-os nga kalibutan ang iya mga gintagna. Gintagna ni Jesus ang madamo nga hitabo kag mga kahimtangan sa kalibutan. Amo ini ang mangin tanda agod mahibaluan sa duta nga nagsugod na ang presensia ni Jesus subong Hari sa langit. Buot silingon, ang tanda magapakita nga gintangdo na ni Jehova nga Dios si Jesus subong Hari sa madugay na ginsaad nga Mesianikong Ginharian. Ini nga tanda nagapakita man nga sa indi madugay dulaon sini nga Ginharian ang kalautan kag paluntaron ang matuod nga paghidait. Ang mga gintagna ni Jesus amo ang tanda sang katapusan nga mga adlaw sang relihioso, pulitikal, kag sosyal nga katilingban karon, nga pagabuslan sang bag-o nga katilingban.

Nagapaathag sang matabo sa duta sa tion sang iya presensia subong Hari sa langit, nagsiling si Jesus nga sa bug-os nga kalibutan may inaway sang mga pungsod, kakulang sing pagkaon, mabaskog nga mga linog, kag lapnag nga balatian. Magadamo ang malinapason. Ang matuod nga mga disipulo ni Jesus magabantala sang maayong balita sang Ginharian sang Dios sa bug-os nga kalibutan. Tanan ini nga butang matapos sa “dakung kapipit-an” nga wala pa gid anay natabo.—Mateo 24:21.

Paano mahibaluan sang mga sumulunod ni Jesus nga malapit na ining kapipit-an? ‘Magtuon gikan sa higuera,’ siling ni Jesus. (Mateo 24:32) Mahibaluan nga malapit na ang tingadlaw paagi sa hitsura sang mga dahon sang higuera. Subong man, kon matabo na ang tanan nga gintagna ni Jesus sa isa ka hut-ong sang tion, magapahangop ini nga malapit na ang katapusan. Ang Amay lamang ang nakahibalo sang eksakto nga adlaw kag oras sang pagsugod sang dakung kapipit-an. Gani ginpalig-on ni Jesus ang iya mga disipulo: “Magpadayon kamo nga nagamata, kay wala kamo makahibalo kon san-o ang gintalana nga tion.”—Marcos 13:33.

—Base sa Mateo kapitulo 24 kag 25; Marcos kapitulo 13; Lucas kapitulo 21.

^ par. 14 Para sa dugang nga pagbinagbinag sa tagna ni Jesus, tan-awa ang kapitulo 9 sang libro nga Ano Gid ang Ginatudlo Sang Biblia? nga ginhimo sang mga Saksi ni Jehova.

Magtuon sing Dugang Pa

Nagakabuhi Bala Kita sa “Katapusan nga mga Adlaw”?

Binagbinaga kon paano ang ginahimo kag batasan sang mga tawo sa palibot naton nangin ebidensia nga nagakabuhi kita subong sa “katapusan nga mga adlaw” nga gintagna sang Biblia.

Ang Katapusan nga mga Adlaw—Sibu nga Tagna sa Biblia

May kahulugan bala ang mga nagakatabo sa kalibutan subong? Binagbinaga ang pito ka tagna nga nagapakita nga lain gid ang aton tion.