Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Paano Mangin Malipayon ang Imo Pamilya?

 SEKSION 5

Paano Mahuptan ang Maayo nga Kaangtanan sa Imo Ginikanan kag Ugangan?

Paano Mahuptan ang Maayo nga Kaangtanan sa Imo Ginikanan kag Ugangan?

“Panapti ang inyo kaugalingon sang . . . kaayo, pagpaubos sang hunahuna, kalulo, kag pagkamapinasensiahon.”Colosas 3:12

Ang pag-asawahay nagatukod sang bag-o nga pamilya. Bisan pa ginahigugma mo kag ginatahod ang imo mga ginikanan, ang imo tiayon amo na ang pinakaimportante nga persona sa imo diri sa duta. Mahimo mabudlay ini batunon sang imo mga ginikanan. Pero ang mga prinsipio sa Biblia makabulig sa imo nga mangin balanse, para mahuptan mo ang maayo nga kaangtanan sa imo mga ginikanan kag ugangan samtang nagatinguha ka nga magtukod sang bag-o nga pamilya.

 1 HUPTI ANG NAGAKAIGO NGA PAGTAMOD SA MGA GINIKANAN

ANG GINASILING SANG BIBLIA: “Padunggi ang imo amay kag ang imo iloy.” (Efeso 6:2) Bisan pila na ang imo edad, dapat padunggan kag tahuron mo ang imo mga ginikanan. Ang imo tiayon kinahanglan man maghatag sing atension sa iya mga ginikanan. “Ang gugma indi maimon,” gani indi ka mangimon sa kaangtanan sang imo tiayon sa iya mga ginikanan.1 Corinto 13:4; Galacia 5:26.

ANO ANG MAHIMO MO?

  • Likawi nga magsiling pareho sang “Ginapakanubo lang ako pirme sang imo pamilya” ukon “Wala gid nanamian si Nanay mo sa mga ginahimo ko”

  • Tinguhai nga hangpon ang ­pagtamod sang imo tiayon

 2 MANGIN MALIG-ON KON KINAHANGLANON

ANG GINASILING SANG BIBLIA: “Bayaan sang lalaki ang iya amay kag ang iya iloy kag magahiusa sa iya asawa, kag mangin-isa sila ka unud.” (Genesis 2:24) Kon magminyo ka, mahimo magbatyag ang imo mga ginikanan nga responsable gihapon sila sa imo, kag gusto nila nga magpasilabot sa inyo pag-asawahay bisan indi na ini nagakaigo.

Pero ara sa inyo nga mag-asawa kon sa ano nga butang sila puede makapasilabot sa inyo kag mahigugmaon nga ipahibalo ini sa ila. Mangin bunayag kag prangka nga indi man maglain ang ila buot. (Hulubaton 15:1) Ang pagkamapainubuson, kalulo, kag pagkamapinasensiahon makabulig sa imo para mangin maayo ang imo kaangtanan sa imo mga ginikanan kag ugangan kag padayon “nga nagabatas sa isa kag isa sa gugma.”Efeso 4:2.

ANO ANG MAHIMO MO?

  • Kon nabalaka ka sa pagpasilabot sang imo mga ginikanan kag ugangan sa inyo pag-asawahay, istoryahi ninyo ini sang imo tiayon kon kalmado kamo

  • Mag-ugyunay kamo kon paano ninyo ini atubangon

Magtuon sing Dugang Pa

Kon Paano Pakigbagayan ang mga Ugangan

Pirme bala kamo ginaentrahan sang imo mga ugangan? Hibalua kon paano mo mapauswag ang kahimtangan kag malikawan ang mga kabudlayan sa inyo pag-asawahay.