Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Pamatii ang Dios Agod Magkabuhi Ka sing Walay Katapusan

 BAHIN 7

Sin-o si Jesus?

Sin-o si Jesus?

Ginpadala ni Jehova si Jesus sa duta. 1 Juan 4:9

Kon gusto naton pahamut-an si Jehova, dapat man naton pamatian ang iya Anak. Gintuga sia ni Jehova subong isa ka gamhanan nga espiritu nga persona sa langit antes pa gintuga si Adan.

Sang ulihi, ginpadala sia ni Jehova agod matawo sa Betlehem sa isa ka birhen nga si Maria. Ginngalanan sia nga Jesus.—Juan 6:38.

Sang ari sia sa duta, ginpakita gid ni Jesus ang mga kinaiya sang Dios. Mainayuhon sia, mahigugmaon, kag madali palapitan. Maisog niya nga gintudlo sa iban ang kamatuoran parte kay Jehova.

 Naghimo si Jesus sing maayo pero ginkaugtan sia. 1 Pedro 2:21-24

Gin-ayo man ni Jesus ang mga masakiton kag ginbuhi liwat ang pila ka tawo nga napatay.

Ginkaugtan sang relihiosong mga lider si Jesus kay ginbuyagyag niya ang ila butig nga mga panudlo kag malain nga mga ginahimo.

Ginsugyot sang relihiosong mga lider ang mga Romano nga sakiton kag patyon si Jesus.

Magtuon sing Dugang Pa

Sin-o si Jesucristo?

Hibalua kon ngaa napatay si Jesus, kon ano ang gawad, kag kon ano ang ginahimo ni Jesus karon.