Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Pamatii ang Dios Agod Magkabuhi Ka sing Walay Katapusan

 BAHIN 9

San-o Mangin Paraiso ang Duta?

San-o Mangin Paraiso ang Duta?

Ang mga kalainan sa duta nagapamatuod nga dali na lang magahulag ang Ginharian sang Dios. Lucas 21:10, 11; 2 Timoteo 3:1-5

Madamo sa nagakatabo subong ang madugay na nga ginasugid sang Biblia. Nagsiling ini nga ang mga tawo mangin mahigugmaon sa kuarta, malalison sa ginikanan, mabangis, kag mahigugmaon sa kinasadya.

May dalagku nga mga linog, inaway, kakulang sing pagkaon, kag mga balatian. Ini tanan nagakatabo na subong.

Nagsiling man si Jesus nga ang maayong balita parte sa Ginharian iwali sa bug-os nga duta.—Mateo 24:14.

 Dulaon sang Ginharian ang tanan nga kalautan. 2 Pedro 3:13

Sa ulihi, laglagon ni Jehova ang tanan nga malauton.

Silutan si Satanas kag ang iya mga demonyo.

Ang mga nagapamati sa Dios maluwas kag magakabuhi sa matarong nga bag-ong kalibutan. Wala na sing kahadlok, kag ang mga tawo may pagsalig na kag gugma sa isa kag isa.

Magtuon sing Dugang Pa

Ano ang Katuyuan sang Dios Para sa Duta?

Ginapaathag sang Biblia kon ngaa gintuga sang Dios ang duta, kon san-o madula ang pag-antos, kag kon ano ang matabo sa duta sa palaabuton kag sa mga nagaistar sa sini.

Ano ang Ginharian sang Dios?

Sin-o ang Hari sang Ginharian sang Dios, kag ano ang ginahimo sang Ginharian?