Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Pamatii ang Dios Agod Magkabuhi Ka sing Walay Katapusan

 BAHIN 6

Ano ang Matun-an Naton sa Daku nga Baha?

Ano ang Matun-an Naton sa Daku nga Baha?

Ginlaglag sang Dios ang mga malauton apang ginluwas niya si Noe kag ang iya pamilya. Genesis 7:11, 12, 23

Nag-ulan sa sulod sang 40 ka adlaw kag 40 ka gab-i amo nga natabunan sang tubig ang bug-os nga duta. Napatay ang tanan nga malaut nga tawo.

Ginbiyaan sang rebelde nga mga anghel ang ila tawhanon nga lawas kag nangin demonyo.

Ang ara sa sulod sang arka naluwas. Pagligad sang madamo nga tinuig, napatay sanday Noe kag ang iya pamilya apang buhion sila liwat sang Dios kag may paglaum nga mabuhi sing walay katapusan.

 Laglagon liwat sang Dios ang mga malauton kag luwason niya ang mga matarong. Mateo 24:37-39

Ginapatalang gihapon ni Satanas kag sang iya mga demonyo ang mga tawo.

Pareho sang panahon ni Noe, madamo sa karon ang wala nagatuman sa mahigugmaon nga sugo ni Jehova. Sa ulihi, laglagon ni Jehova ang tanan nga malauton.—2 Pedro 2:5, 6.

May mga tawo man karon pareho kay Noe. Nagapamati sila sa Dios kag nagatuman sa iya; sila ang mga Saksi ni Jehova.

Magtuon sing Dugang Pa

Paano Mo Mahibaluan ang Matuod nga Pagsimba?

Isa lamang bala ang matuod nga relihion? Binagbinaga ang lima ka palatandaan nga nagapakilala sang matuod nga pagsimba.