Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Pamatii ang Dios Agod Magkabuhi Ka sing Walay Katapusan

 BAHIN 5

Ang Daku nga Baha—Sin-o ang Namati? Sin-o ang Wala?

Ang Daku nga Baha—Sin-o ang Namati? Sin-o ang Wala?

Ang kalabanan nga tawo sang panahon ni Noe nagahimo sing malain. Genesis 6:5, Ang Pulong sang Dios

Nagpamata kanday Adan kag Eva amo nga nagdamo ang mga tawo sa duta. Sang ulihi, ang iban nga anghel nag-upod man kay Satanas sa pagrebelde.

Nagpanaug sila sa duta kag naggamit sang lawas sang tawo para makapangasawa. Ang ila mga asawa nagbun-ag sing dalagku nga mga bata nga mapintas kag makusog.

Ang kalibutan napuno sing malain nga mga tawo. Ang Biblia nagsiling: “Ang ginahimo sang mga tawo sa kalibutan puro na lang kalautan, kag ang ila ginahunahuna permi malain.”

 Si Noe namati sa Dios kag naghimo sing arka. Genesis 6:13, 14, 18, 19, 22

Maayo nga tawo si Noe. Ginsugiran ni Jehova si Noe nga laglagon Niya ang mga malauton paagi sa daku nga baha.

Ginsugo man sang Dios si Noe nga maghimo sing daku nga barko, nga ginatawag arka, kag pasudlon niya sa sini ang iya pamilya kag ang tanan nga sahi sang sapat.

Ginpaandaman ni Noe ang mga tawo parte sa manug-abot nga Baha, pero wala sila namati. Ginkadlawan sang iban si Noe; ang iban naakig sa iya.

Sang natapos ang arka, ginpasulod ni Noe ang mga sapat.

Magtuon sing Dugang Pa

MAAYONG BALITA HALIN SA DIOS!

Ngaa Ginatugutan sang Dios ang Kalautan kag Pag-antos?

Paano nagsugod ang kalautan, kag ngaa gintugutan ini sang Dios nga magpadayon? Madula pa bala ang pag-antos?