Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Madula Pa Ayhan ang Pag-antos?

Madula Pa Ayhan ang Pag-antos?

Ang sabat mo bala . . .

  • huo?

  • indi?

  • siguro?

 ANG GINASILING SANG BIBLIA

“Pagapahiran [sang Dios] ang tanan nga mga luha sa ila mga mata. Wala na sing kamatayon kag wala na sing paglalaw, paghibi kag pag-antus.”—Bugna 21:3, 4, Biblia sang Katilingban sang mga Kristiano.

ANO ANG MABULIG SINI SA IMO?

Makasalig ka nga wala naghalin sa Dios ang aton mga problema.—Santiago 1:13.

Makabatyag ka sing kaumpawan sa paghibalo nga nahangpan sang Dios ang aton ginabatyag kon nagaantos kita.—Zacarias 2:8.

Nagahatag sa imo sing paglaum nga madula ang tanan nga pag-antos.—Salmo 37:9-11.

 MAPATIHAN GID BALA NATON ANG GINASILING SANG BIBLIA?

Huo, ari ang duha ka rason:

  • Ginakaugtan sang Dios ang pag-antos kag inhustisya. Binagbinaga ang ginbatyag ni Jehova nga Dios sang ginmaltratar ang iya katawhan sang panahon sang Biblia. Ang Biblia nagsiling nga naluoy sia bangod sang “pagpamintas sa ila.”—Hukom 2:18, Bag-ong Kalibutan nga Badbad.

    Akig ang Dios sa mga nagahalit sa iban. Halimbawa, ang Biblia nagasiling nga ginadumtan niya ang “mga kamot nga nagapaagay sing dugo nga wala sing sala.”—Hulubaton 6:16, 17.

  • Nagakabalaka ang Dios sa kada isa sa aton. Indi lang ang tawo ang nakahibalo “kon ano ang nagapaantos kag nagapabudlay sa iya” kundi nahibaluan man ini ni Jehova!2 Cronica 6:29, 30.

    Paagi sa iya Ginharian, dali na lang dulaon ni Jehova ang pag-antos sang kada tawo. (Mateo 6:9, 10) Samtang wala pa ini, ginalugpayan niya ang mga sinsero nga nagapangita sa iya.—Binuhatan 17:27; 2 Corinto 1:3, 4.

 BINAGBINAGA

Ngaa ginatugutan sang Dios nga matabo ang pag-antos?

Ginasabat ini sang Biblia sa ROMA 5:12 kag 2 PEDRO 3:9.

Magtuon sing Dugang Pa

Ngaa Ginatugutan sang Dios ang Kalautan kag Pag-antos?

Paano nagsugod ang kalautan, kag ngaa gintugutan ini sang Dios nga magpadayon? Madula pa bala ang pag-antos?