Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Mabuhi Pa Bala ang mga Patay?

Mabuhi Pa Bala ang mga Patay?

Ang sabat mo bala . . .

  • huo?

  • indi?

  • siguro?

 ANG GINASILING SANG BIBLIA

“May pagkabanhaw.”—Binuhatan 24:15, Bag-ong Kalibutan nga Badbad.

ANO ANG MABULIG SINI SA IMO?

Malugpayan ka kon mapatay ang imo pinalangga.—2 Corinto 1:3, 4.

Malikawan ang sobra nga kahadlok sa kamatayon.—Hebreo 2:15.

May paglaum ka nga makaupod liwat ang napatay mo nga mga pinalangga.—Juan 5:28, 29.

 MAPATIHAN GID BALA NATON ANG GINASILING SANG BIBLIA?

Huo, ari ang tatlo ka rason:

  • Ang Dios amo ang Manunuga sang kabuhi. Si Jehova nga Dios ginatawag sang Biblia nga “tuburan sang kabuhi.” (Salmo 36:9; Binuhatan 17:24, 25) Ang Isa nga naghatag sang kabuhi sa tanan nga buhi nga tinuga may ikasarang gid sa pagbuhi sa mga patay.

  • Ang Dios may ginbuhi nga mga patay sang una. Narekord sa Biblia ang walo ka tawo—bata, tigulang, lalaki, kag babayi—nga ginbanhaw sa duta. Ang iban bag-o lang napatay, pero ang isa apat na ka adlaw sa lulubngan!—Juan 11:39-44.

  • Gusto gid sang Dios nga himuon ini liwat. Ginadumtan ni Jehova ang kamatayon; kaaway niya ini. (1 Corinto 15:26) Gusto gid niya nga daugon ina nga kaaway, nga dulaon ang kamatayon paagi sa pagkabanhaw. Luyag gid niya nga banhawon ang ara sa iya handumanan kag makita sila nga mabuhi liwat sa duta.—Job 14:14, 15.

 BINAGBINAGA

Ngaa nagatigulang kita kag nagakapatay?

Ginasabat ini sang Biblia sa GENESIS 3:17-19 kag ROMA 5:12.

Magtuon sing Dugang Pa

Ano ang Paglaum sang mga Patay?

Ano ang nagakatabo kon mapatay ang tawo? Makita pa bala naton liwat ang aton napatay nga mga hinigugma?