Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Sin-o ang Nagahimo sang Kabubut-on ni Jehova Subong?

 Leksion 11

Ngaa Nagatambong Kami sa mga Asembleya?

Ngaa Nagatambong Kami sa mga Asembleya?

Mexico

Germany

Botswana

Nicaragua

Italya

Ngaa malipayon gid ini nga mga tawo? Nagatambong sila sa isa sa amon mga asembleya. Pareho sa mga alagad sang Dios sang una nga ginsugo nga magtipon sing tatlo ka beses kada tuig, nalipay man kami nga magtipon. (Deuteronomio 16:16) Kada tuig, may tatlo kami ka pagtilipon: duha ka tig-isa ka adlaw nga mga sirkito nga asembleya, kag tatlo ka adlaw nga rehiyonal nga kombension. Ngaa nagatambong kami sa sini nga mga pagtilipon?

Nagapabakod ini sang amon paghiliutod bilang Cristiano. Pareho sa mga Israelinhon nga nagadayaw kay Jehova “sa daku nga pagtilipon,” nalipay man kami nga simbahon sia sing ululupod sa espesyal nga mga okasyon. (Salmo 26:12; 111:1, Biblia sang Katilingban sang mga Kristiano) Makilala kag makaupod namon ang mga Saksi sa iban nga kongregasyon ukon sa iban nga mga lugar. Kon udto, ululupod kami nga nagapanyaga sa ginahiwatan sang asembleya, amo nga nagasadya pa gid ini nga pagtilipon. (Binuhatan 2:42) Diri namon maeksperiensiahan ang gugma nga nagapahiusa sa amon ‘bug-os kalibutan nga paghiliutod.’—1 Pedro 2:17.

Nagapabakod ini sa amon sa espirituwal. Ang mga Israelinhon nakabenepisyo sang “naintiendihan nila ang mga mensahe” sang Kasulatan nga ginpaathag sa ila. (Nehemias 8:8, 12, Ang Pulong sang Dios, APD) Ginapabaloran man namon ang instruksion sa Biblia nga nabaton namon sa amon mga asembleya. Ang kada programa may tema nga nabase sa Biblia. Paagi sa makapabakod nga mga pamulongpulong, simposium, kag mga demonstrasyon, matun-an namon kon paano himuon ang kabubut-on sang Dios. Makapabakod man ang mga eksperiensia sang mga Cristiano nga nagmadinalag-on sa pag-atubang sang mga kabudlayan. Sa mga rehiyonal nga kombension, nangin matuod pa gid sa amon ang mga kasaysayan sa Biblia paagi sa de-kostyum nga mga drama nga nagatudlo sa amon sang praktikal nga mga leksion. Sa mga asembleya, ginabawtismuhan ang mga nagdedikar sang ila kabuhi sa Dios.

  • Ngaa makalilipay ang mga asembleya?

  • Ano ang imo mabenepisyo kon magtambong ka sa asembleya?

 

Magtuon sing Dugang Pa

Video Clip: Kombension sang mga Saksi ni Jehova Kada Tuig

Hibalua kon ngaa minilyon ang nagatambong sa bilog nga kalibutan sa sining espesyal nga okasyon.