Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Sin-o ang Nagahimo sang Kabubut-on ni Jehova Subong?

 Leksion 14

Paano Ginahanas ang mga Payunir?

Paano Ginahanas ang mga Payunir?

Estados Unidos

Gilead School, Patterson, New York

Panama

Madugay na nga kilala ang mga Saksi ni Jehova sa ila teokratiko nga edukasyon. Ang mga nagabantala sang Ginharian sing bug-os tion nagabaton sing pinasahi nga paghanas para ‘matuman nila sing bug-os ang ila ministeryo.’—2 Timoteo 4:5.

Paagi sa Pioneer Service School. Pagkatapos sang una nga tuig nga pag-alagad sing bug-os tion sang isa ka regular payunir, hanason sia sa sini nga eskwelahan sa sulod sang anom ka adlaw nga mahimo hiwaton sa malapit nga Kingdom Hall. Ginabuligan sini ang mga payunir nga mangin suod pa gid kay Jehova, mangin mas epektibo sa tanan nga aspekto sang ministeryo, kag makapadayon sa ila matutom nga pag-alagad.

Paagi sa School for Kingdom Evangelizers. Ining eskwelahan nga nagalawig sing duha ka bulan gindesinyo para hanason ang eksperiensiado nga mga payunir nga handa magbiya sa ila lugar para mag-alagad kon diin sila kinahanglanon. Daw subong bala nga nagasiling sila, “Yari ako! Ipadala ako!” bilang pag-ilog sa pinakabantog nga Ebanghelisador nga nag-alagad sa duta, si Jesucristo. (Isaias 6:8; Juan 7:29) Mahimo nagalakip ini sang pagpasimple nila sang ila kabuhi. Ayhan mamag-o sila sa kultura, klima, kag pagkaon. Ukon ayhan kinahanglan pa sila magtuon sing bag-o nga lenguahe. Ini nga eskwelahan nagabulig sa di-minyo nga mga brother kag sister kag mga mag-asawa, nga nagaedad sing 23 asta 65, nga palambuon ang espirituwal nga mga kinaiya kag mga ikasarang nga kinahanglanon sa ila asaynment para mas magamit pa gid sila ni Jehova kag sang iya organisasyon.

Paagi sa Watchtower Bible School of Gilead. Sa Hebreo, ang “Gilead” nagakahulugan sing “Saksi nga Tinumpok.” Halin sang ginsugdan ang Gilead sang 1943, ang kapin sa 8,000 ka naggradwar sa sini nga eskwelahan nga ginpadala subong mga misyonero madinalag-on nga nakapanaksi “tubtob sa ukbong sang duta.” (Binuhatan 13:47) Halimbawa, pag-abot sang mga naggradwar sa Peru, wala pa sing kongregasyon sa pungsod. Pero subong may ara na ini sing sobra 1,000. Sang nag-abot ang mga misyonero sa Japan, wala pa napulo ang Saksi sa pungsod. Pero subong sobra na ini 200,000. Ang lima ka bulan nga paghanas sa Gilead nagalakip sang maid-id nga pagtuon sa Pulong sang Dios. Ang mga espesyal payunir ukon misyonero sa latagon, mga nagaalagad sa mga sanga talatapan, ukon mga manugtatap sang sirkito amo ang ginahanas sing maid-id sa sini nga eskwelahan para makabulig sila sa pagpabakod kag pagpauswag sang hilikuton sa bug-os nga kalibutan.

  • Ano ang katuyuan sang Pioneer Service School?

  • Para kay sin-o gindesinyo ang School for Kingdom Evangelizers?

Magtuon sing Dugang Pa

DOKUMENTARYO

Mga Saksi ni Jehova—Naorganisar sa Pagbantala sang Maayong Balita

Ang mga Saksi ni Jehova kilala sa ila pagtudlo sa Biblia nga hilikuton sa bilog nga kalibutan. Paano ang ila hilikuton ginaorganisar, ginagiyahan, kag ginasuportahan sa pinansial?

LIBRO KAG BROSYUR

Paghanas sa mga Ministro sang Ginharian

Paano ginhanda sang mga teokratikong eskwelahan ang mga ministro sang Ginharian sa pagtuman sang ila asaynment?