Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Sin-o ang Nagahimo sang Kabubut-on ni Jehova Subong?

 Leksion 7

Ano ang Ginahimo Namon sa Amon mga Miting?

Ano ang Ginahimo Namon sa Amon mga Miting?

New Zealand

Japan

Uganda

Lithuania

Ang mga nagatambong sa Cristianong mga miting sadto nagakanta, nagapangamuyo, kag nagabasa kag nagabinagbinag sang Kasulatan. Wala sila sing mga ritwal. (1 Corinto 14:26) Amo man sini ang ginahimo sa amon mga miting.

Ang mga instruksion nabase sa Biblia kag praktikal. Kon Sabado ukon Domingo, ang kada kongregasyon nagatipon para sa 30 minutos nga pamulongpulong base sa Biblia. Ginabinagbinag diri kon paano ang Kasulatan naangot sa aton kabuhi kag sa aton tion karon. Tanan kami ginapalig-on nga sundan ang pagbasa sa amon Biblia. Pagkatapos sini, may isa ka oras nga Pagtinuon sa “Ang Lalantawan.” Puede magkomento ang tanan sa topiko nga ginabinagbinag sa tulun-an nga edisyon sang Lalantawan. Makabulig ini sa amon nga sundon ang giya sang Biblia. Pareho nga topiko ang ginatun-an sa sobra 110,000 ka kongregasyon sa bilog nga kalibutan.

Ginabuligan kami para mag-uswag ang amon pamaagi sa pagtudlo. Nagatipon man kami sa tungatunga sang semana para sa programa nga may tatlo ka bahin. Ang una amo ang 30 minutos nga Pagtinuon sang Kongregasyon sa Biblia. Ginabinagbinag ini paagi sa pamangkot kag sabat. Makabulig ini sa amon nga mahangpan pa gid ang mga prinsipio kag tagna sa Biblia. Masunod amo ang 30 minutos nga Teokratikong Eskwelahan Para sa Ministeryo. Ginasugdan ini sa pagbinagbinag sang isa ka bahin sang Biblia nga nabasa na nga daan sang tanan. Dayon ang mga estudyante nga nakapalista sa eskwelahan nagahatag sang ila malip-ot nga mga presentasyon. Ginaobserbahan sila sang isa ka manuglaygay para mabuligan sila nga mapauswag ang ila pagbasa kag pagpakighambal. (1 Timoteo 4:13) Ang katapusan amo ang 30 minutos nga Miting sa Serbisyo. May mga pamulongpulong ini, mga pasundayag, kag mga interbyu nga makabulig sa amon sa pagtudlo sa iban parte sa Biblia.

Kon magtambong ka sa amon mga miting, sigurado nga malipay ka sa imo matun-an sa Biblia.—Isaias 54:13.

  • Ano ang ginahimo sa mga miting sang mga Saksi ni Jehova?

  • Diin sa amon mga miting ang gusto mo tambungan?

 

Magtuon sing Dugang Pa

MITING

Ano ang Ginahimo sa Kingdom Hall?

Tilawi nga magsulod para makita mo mismo.

PIRME GINAPAMANGKOT

Paano Ginaorganisar ang mga Kongregasyon sang mga Saksi ni Jehova?

Hibalua kon paano kami ginahatagan sing panuytoy kag instruksion paagi sa sini nga kahimusan.