Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Sin-o ang Nagahimo sang Kabubut-on ni Jehova Subong?

 Leksion 5

Ano ang Imo Maeksperiensiahan sa Amon Cristianong mga Miting?

Ano ang Imo Maeksperiensiahan sa Amon Cristianong mga Miting?

Argentina

Sierra Leone

Belgium

Malaysia

Madamo ang nag-untat sa pagtambong sa relihioso nga mga hilikuton bangod wala sila nakatigayon sing bulig ukon lugpay sa espirituwal. Pero, ngaa dapat ka magtambong sa Cristianong mga miting sang mga Saksi ni Jehova? Ano ang maeksperiensiahan mo didto?

Malipay ka nga makaupod ang mahigugmaon kag mainulikdon nga mga tawo. Sang unang siglo, ang mga Cristiano gin-organisar sa mga kongregasyon, kag may mga miting sila para simbahon ang Dios, tun-an ang Kasulatan, kag palig-unon ang isa kag isa. (Hebreo 10:24, 25) Bangod sa gugma nila sa isa kag isa, nagabatyag sila nga kaupod nila ang ila matuod nga mga abyan—ang ila mga utod sa espirituwal. (2 Tesalonica 1:3; 3 Juan 14) Amo man sini ang amon ginahimo kag nabatyagan nga kalipay sa amon mga miting.

Matun-an mo kon paano sundon ang mga prinsipio sa Biblia. Pareho sang ginahimo sang mga tawo sa panahon sang Biblia, ang mga lalaki, mga babayi, kag mga kabataan nagatipon sing tingob. Ang kalipikado nga mga manunudlo nagabulig sa amon nga matun-an kon paano sundon ang mga prinsipio sang Biblia sa amon pagkabuhi. (Deuteronomio 31:12; Nehemias 8:8) Ang tanan makakanta kag makakomento, amo nga mapabutyag namon ang amon paglaum subong Cristiano.—Hebreo 10:23.

Magalig-on ang imo pagtuo sa Dios. Ginsilingan ni apostol Pablo ang isa sa mga kongregasyon sadto: “Nagahandum ako nga makita kamo, . . . agod may pagbayluhanay sing pagpalig-on sa tunga ninyo, sa kada isa paagi sa pagtuo sang isa, ang inyo pagtuo kag ang akon man.” (Roma 1:11, 12) Sa mga miting, ang amon pagpakig-upod sa pareho namon nga mga Saksi nagapalig-on sang amon pagtuo kag determinasyon nga sundon ang mga prinsipio sa Biblia.

Ginaagda ka namon nga magtambong sa amon masunod nga miting. Mahigugmaon ka gid namon nga abiabihon! Wala ini sing bayad kag wala sing nagapangolekta.

  • Ano nga halimbawa ang ginasunod namon sa amon mga miting?

  • Ano nga mga benepisyo ang amon natigayon sa pagtambong sa Cristianong mga miting?

 

Magtuon sing Dugang Pa

MITING

Ano ang Ginahimo sa Kingdom Hall?

Tilawi nga magsulod para makita mo mismo.

MITING

Mga Miting sang Kongregasyon sang mga Saksi ni Jehova

Hibalua kon diin kami nagatipon kag kon paano kami nagasimba.