Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Nagagahom ang Ginharian sang Dios!

Wala: Colporteur nga sister nga nagabantala sa Korea sang 1931; tuo: Pagbantala sa sign language sa Korea subong

 SEKSION 2

Pagbantala sang Ginharian—Pagbantala sang Maayong Balita sa Bug-os nga Kalibutan

Pagbantala sang Ginharian—Pagbantala sang Maayong Balita sa Bug-os nga Kalibutan

 DAY off mo sa obra kag temprano ka pa naghanda para maggua sa latagon. Pero nagaalang-alang ka kay daw ginakapoy ka pa. Daw kanami gid magpahuway! Pero nangamuyo ka kag nagdesisyon nga maggua. Nangin partner mo ang isa ka matutom nga tigulang nga sister, kag napalig-on ka gid sa iya pagbatas kag kaayo. Samtang nagapaambit ka sang kamatuoran sa kada balay, napamensaran mo nga ang imo mga kauturan sa bilog nga kalibutan nagapaambit sang pareho man nga mensahe, nagagamit sang pareho man nga literatura, kag nagabenepisyo sa pareho man nga paghanas. Pagpauli mo, kanami sang imo pamatyag. Maayo lang gid kay naggua ka!

Ang Cristianong ministeryo amo subong ang panguna nga hilikuton sang Ginharian sang Dios. Gintagna ni Jesus nga ang pagbantala magalapnag gid sa katapusan nga mga adlaw. (Mat. 24:14) Paano natuman ini nga tagna? Sa sini nga seksion, usisaon naton ang katawhan, pamaagi, kag kagamitan nga importante sa ministeryo, nga nagabulig sa minilyon sa bilog nga kalibutan nga makita nga matuod gid ang Ginharian sang Dios.