Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ano ang Ginharian sang Dios?

Ano ang Ginharian sang Dios?

Ini bala . . .

  • ara lang sa imo tagipusuon?

  • indi literal?

  • gobierno sa langit?

 ANG GINASILING SANG BIBLIA

“Ang Dios sang langit magatukod sing isa ka ginharian nga indi gid malaglag.”—Daniel 2:44, Bag-ong Kalibutan nga Badbad.

“Isa ka anak nga lalaki ang ginhatag sa aton; kag ibutang sa iya abaga ang gobierno.”Isaias 9:6; footnote.

ANO ANG MABULIG SINI SA IMO?

  • Isa ka matarong nga gobierno nga makabulig sa imo.—Isaias 48:17, 18.

  • Sa bag-ong kalibutan sa palaabuton, may maayo nga panglawas kag malipayon nga kabuhi.—Bugna 21:3, 4.

 MAPATIHAN GID BALA NATON ANG GINASILING SANG BIBLIA?

Huo, ari ang duha ka rason:

  • Ginpakita ni Jesus kon ano ang himuon sang Ginharian sang Dios. Gintudluan ni Jesus ang iya mga sumulunod nga ipangamuyo nga magkari ang Ginharian sang Dios kag matuman ang kabubut-on sang Dios sa duta. (Mateo 6:9, 10) Ginpakita ni Jesus kon paano sabton ina nga pangamuyo.

    Sang ari si Jesus sa duta, ginpakaon niya ang mga gutom, gin-ayo ang mga masakiton, kag ginbanhaw ang mga patay! (Mateo 15:29-38; Juan 11:38-44) Subong palaabuton nga Manuggahom sang Ginharian sang Dios, ginpakita ni Jesus ang matahom nga mga butang nga himuon sina nga Ginharian para sa mga sakop sini.—Bugna 11:15.

  • Ang mga nagakatabo sa kalibutan nagapamatuod nga madali na lang magkari ang Ginharian sang Dios. Gintagna ni Jesus nga antes paluntaron sang Ginharian ang paghidait sa duta, matabo anay ang lapnag nga inaway, gutom, kag linog.—Mateo 24:3, 7.

    Amo gid sini ang nagakatabo subong. Gani makasalig kita nga madali na lang dulaon sang Ginharian sang Dios ini tanan nga problema.

 BINAGBINAGA

Ano ang kahimtangan sang kabuhi kon maggahom na sa aton ang Ginharian sang Dios?

Ginasabat ini sang Biblia sa SALMO 37:29 kag ISAIAS 65:21-23.

Magtuon sing Dugang Pa

Paghidait sa Duta—Paano?

Hibalua ang promisa sang Dios nga paghidait sa kalibutan paagi sa iya Ginharian.

Ano ang Katuyuan sang Dios Para sa Duta?

Ginapaathag sang Biblia kon ngaa gintuga sang Dios ang duta, kon san-o madula ang pag-antos, kag kon ano ang matabo sa duta sa palaabuton kag sa mga nagaistar sa sini.