Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Ang Akon Libro sang mga Sugilanon sa Biblia

Sugilanin 95: Ang Paagi Sang Pagtudlo ni Jesus

Sugilanin 95: Ang Paagi Sang Pagtudlo ni Jesus

ISA ka adlaw ginsingganan ni Jesus ang isa ka tao nga dapat niya higugmaon ang iya isigkatao. Ang tao namangkot kay Jesus: ‘Sin-o ang akon isigkatao?’ Bueno, nahibal-an ni Jesus ang ginahunahona sang tao. Naghunahona ang tao nga ang mga tao lamang nga kaliwat niya kag kaangay niya sing relihion ang iya mga isigkatao. Gani tan-awon ta kon ano ang ginsiling sa iya ni Jesus.

Nag-istorya sia tuhoy sa isa ka Judiyo kag isa ka Samaritano. Nahibal-an na naton nga indi luyag sang mga Judiyo ang mga Samaritano. Bueno, amo ini ang sugilanon ni Jesus.

Isa ka adlaw may isa ka Judiyo nga nagadulhog sa bukid padulong sa Jerico. Apang ginlumpatan sia sang mga kawatan. Ginkuha nila ang iya kuarta kag ginbakol sia tubtob nga daw patay na sia.

Sang ulihi, naglabay ang isa ka Judiyong saserdote. Nakita niya ang tao. Ano sa banta mo ang iya ginhimu? Ti, nagtabok sia sa pihak sang dalan kag nagpadayon. Nian may naglabay liwat. Isa sia ka Levita. Wala man sia magdulog sa pagbulig. Makita mo ang saserdote kag ang Levita sa malayo.

Apang sin-o ang nagabulig sa ginbakol? Isa sia ka Samaritano. Ginabulong niya ang mga pilas. Nian gindala niya ang Judiyo sa duog nga makapahuway sia kag mag-ayo.

Ang mabinuligon nga Samaritano

Sang matapos ang sugilanon, si Jesus nagsiling: ‘Sin-o sa tatlo sa banta mo ang nangin isigkatao sa ginbakol nga tao?’

Ang tao nagsabat: ‘Ang Samaritano. Maluloy-on sia sa tao nga ginbakol.’

Si Jesus nagsiling: ‘Husto ina. Gani lakat ka kag himua man ini sa iban.’

Wala mo bala maluyagi ang paagi sang pagtudlo ni Jesus?

Lucas 10:25-37.



Mga Pamangkot:

  • Ano ang ginpamangkot sang isa ka tao kay Jesus, kag ngaa?
  • Ano ang naton-an na naton tuhoy sa mga Judiyo kag mga Samaritano?
  • Sa sugilanon nga ginsugid ni Jesus, ano ang natabu sa isa ka Judiyo nga nagadulhog sa dalanon padulong sa Jerico?
  • Ano ang natabu sang naglabay ang isa ka Judiyo nga saserdote kag ang isa ka Levita?
  • Sa laragway, sin-o ang nagabulig sa Judiyo nga napilasan?
  • Sang matapos ni Jesus ang iya sugilanon, ano ang ginpamangkot niya, kag ano ang ginsabat sang tao?

Dugang pa nga mga pamangkot

  • Basaha ang Lucas 10:25-37.

    Sa baylo nga ihatag ang direkta nga sabat, paano ginbuligan ni Jesus ang isa ka tao nga sampaton sa Kasuguan nga mangatarungan sa isa ka butang? (Luc. 10:26; Mat. 16:13-16)

    Paano gingamit ni Jesus ang mga ilustrasyon agod malandas ang indi makatarunganon nga kaugot sang iya mga tagpalamati? (Luc. 10:36, 37; 18:9-14; Tito 1:9)

Magtuon sing Dugang Pa

Ang Samaritano Nangin Matuod nga Isigkatawo

Paano gingamit ni Jesus ang parabola parte sa mabinuligon nga Samaritano, ukon ang “maayo nga Samaritano,” sa pagtudlo sa importante nga leksion?

Nagbalik ang Nadula nga Anak

Ano nga mga leksion ang matun-an naton sa ilustrasyon ni Jesus parte sa buhaha nga anak?