Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Ang Akon Libro sang mga Sugilanon sa Biblia

Sugilanon 80: Ang Kataohan sang Dios Nagbiya sa Babilonia

Sugilanon 80: Ang Kataohan sang Dios Nagbiya sa Babilonia

HALOS duha ka tuig na ang nagligad kutob sang ang Babilonia ginbihag sang mga Midianhon kag Persianhon. Kag tan-awa ang nagakatabu karon! Huo, ang mga Israelinhon nagbiya sa Babilonia. Sin-o ang nagpalakat sa ila?

Amo si Ciro, nga hari sang Persia. Sa wala pa matao si Ciro may ginsulat na si manalagna Isaias tuhoy sa iya: ‘Himuon mo ang ipahimu ko sa imo. Ang mga gawang biyaan nga bukas agod mabihag mo ang siudad.’ Kag si Ciro ang nanguna sa pagbihag sang Babilonia. Ang iya hangaway nagsulod sa siudad sang gab-i paagi sa mga gawang nga ginbiyaan nga bukas.

Apang ang manalagna ni Jehova nga si Isaias nagsiling man nga imandu ni Ciro ang pagpatindog liwat sang Jerusalem kag sang templo sini. Ginhatag bala ni Ciro ini nga sugo? Huo. Kag amo ini ang buot himuon sang mga Israelinhon nga nagbiya.

Mga Israelinhon nga nagabiya sa Babilonia

Apang indi tanan nga Israelinhon sa Babilonia makasarang sa malawig nga paglakbay pa Jerusalem. Gani nagsiling si Ciro sa mga wala naglakat: ‘Hatagi sing pilak kag bulawan kag iban pa nga dulot ang mga magabalik agid ipatindog ang Jerusalem kag ang templo sini.’

Madamu gid nga dulot ang ginhatag sa mga magabalik agod ipatindog ang Jerusalem kag ang templo sini.’

Madamu gid nga dulot ang ginhatag sa mga Israelinhon nga manugpauli. Ginhatag man sa ila ni Ciro ang mga yahong kag kopa nga ginkuha ni Hari Nabokodonosor gikan sa templo ni Jehova sang ginlaglag niya ang Jerusalem.

Isaias 44:28; 45:1-4; Esdras 1:1-11.



Mga Pamangkot:

  • Subong sang ginapakita sa laragway, ano ang ginahimu sang mga Israelinhon?
  • Paano gintuman ni Ciro ang tagna ni Jehova paagi kay Isaias?
  • Ano ang ginsiling ni Ciro sa mga Israelinhon nga indi makabalik sa Jerusalem?
  • Ano ang ginhatag ni Ciro sa kataohan agod dalhon nila sa Jerusalem?
  • Daw ano ka dugay naglakbay ang mga Israelinhon pabalik sa Jerusalem?
  • Pila ka tuig na ang nagligad kutob sang mawad-an sing tao ang duta?

Dugang pa nga mga pamangkot

  • Basaha ang Isaias 44:28 kag 45:1-4.

    Paano ginpadaku ni Jehova ang pat-od nga katumanan sang tagna tuhoy kay Ciro? (Isa. 55:10, 11; Roma 4:17)

    Ano ang ginapakita sang tagna ni Isaias tuhoy kay Ciro nahanungod sa ikasarang ni Jehova nga Dios sa pagtagna sang palaabuton? (Isa. 42:9; 45:21; 46:10, 11; 2 Ped. 1:20)

  • Basaha ang Esdras 1:1-11

    Bilang pag-ilug sa halimbawa sang mga wala makabalik sa Jerusalem, paano naton karon ‘mapalig-on ang mga kamut’ sang mga may ikasarang nga magsulod sa bug-os tion nga pag-alagad? (Esd. 1:4, 6; Roma 12:13; Col. 4:12)