Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Ang Akon Libro sang mga Sugilanon sa Biblia

Sugilanon 67: Si Josapat Nagsalig kay Jehova

Sugilanon 67: Si Josapat Nagsalig kay Jehova

NAHIBALOAN mo bala kon ano ang ginahimu sining mga tao? Makadto sila sa inaway. Ang mga lalaki sa unahan nagaamba. Apang mahimu mamangkot ka: ‘Ngaa wala sing mga espada kag bangkaw ang mga nagaamba?’ Tan-awon naton.

Ang mga Israelinhon nga nagamartsa pakadto sa inaway

Si Josapat hari sang nabagatnan duha ka tribu nga ginharian sang Israel. Nagkabuhi sia sang tion ni Hari Ahab kag Jesabel. Apang si Josapat isa ka maayong hari. Gani sa madamung tinuig maayo ang pangabuhi sang kataohan sa duha ka tribu nga ginharian.

Apang karon nabatian ni Josapat nga nagapakari ang dakung hangaway gikan sa pungsod sang Moab, Amon kag Bukid sang Sier sa pagsalakay sang iya kataohan. Ang mga Israelinhon nagkadto sa templo diin si Josapat nagapangayo sing bulig kay Jehova.

Namati si Jehova. Ginsugo niya ang isa sang iya mga alagad nga sugiran ang kataohan: ‘Ang inaway indi inyo, kundi iya sang Dios. Indi kamo makig-away. Magbantay lang kamo, kag tan-awa kon paano kamo luason ni Jehova.

Pagkaaga, ginsilingan ni Josapat ang kataohan: ‘Magsalig kay Jehova.’ Nian nagbutang sia sing mga manug-amba sa atubangan sang iya mga soldado, kag samtang nagamartsa sila nag-amba sila sing pagdayaw kay Jehova. Nahibal-an mo bala kon ano ang natabu? Ginpaaway ni Jehova ang kaaway nga mga soldado sa tunga nila, kag sang mag-abot ang mga Israelinhon, patay na sila tanan!

Indi bala maalamon si Josapat sa pagsalig kay Jehova? Mangin maalamon kita, kon magsalig man kita sa Iya.

1 Hari 22:41-53; 2 Cronica 20:1-30.


Mga Pamangkot:

  • Sin-o si Josapat, kag san-o sia nagkabuhi?
  • Ano ang nabatian ni Josapat, kag ano ang ginhimu sang mga Israelinhon?
  • Ano ang ginsabat ni Jehova sa pangamuyo ni Josapat?
  • Ano ang ginpahanabu ni Jehova sa kaaway nga mga soldado?
  • Ano nga leksion ang maton-an naton gikan kay Josapat?

Dugang pa nga mga pamangkot

  • Basaha ang 2 Cronica 20:1-30.

    Paano ginpakita ni Josapat kon ano ang dapat himuon sang matutom nga mga alagad sang Dios kon nagaatubang sila sing makatalagam nga mga kahimtangan? (2 Cron. 20:12; Sal. 25:15; 62:1)

    Sanglit nagagamit pirme si Jehova sing alagyan sang komunikasyon kon nagapakig-angot sia sa iya kataohan, ano nga alagyan ang ginagamit niya karon? (2 Cron. 20:14, 15; Mat. 24:45-47; Juan 15:15)

    Kon sugdan na sang Dios ang “inaway sang dakung adlaw sang Dios nga Labing Gamhanan,” paano kita magaanggid sa kahimtangan anay ni Josapat? (2 Cron. 20:15, 17; 32:8; Bug. 16:14, 16)

    Bilang pag-ilug sa mga Levinhon, ano ang ginabulig sang mga payunir kag mga misyonero sa pagbantala nga hilikuton karon sa bug-os nga kalibutan? (2 Cron. 20:19; Roma 10:13-15; 2 Tim. 4:2