Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Ang Akon Libro sang mga Sugilanon sa Biblia

Sugilanon 36: Ang Tinday nga Bulawan

Sugilanon 36: Ang Tinday nga Bulawan

ABAW, ABAW! Ano ang ginahimu karon sang mga tao? Nagapangamuyo sila sa tinday nga baka! Ngaa ginahimu nila ini?

Sang magdugay si Moises sa bukid, ang mga tao nagsiling: ‘Wala kita nakahibalo sang natabu kay Moises. Maghimu kita sing dios nga magpagua sa aton sa sining duta.’

Ginhaboy ni Moises ang tapitapi nga bato

Ang utod ni Moises nga si Aaron nag-ugyon. Gintipon niya ang tanan nila nga aritos nga bulawan, gintunaw ini kag naghimu sing tinday nga bulawan. Kag ang mga tao nagsiling: ‘Ini ang aton Dios, nga nagpagua sa aton sa Egipto!’ May daku sila nga sinalusalo kag nagsimba sa tinday nga bulawan.

Naakig gid ang Dios sang makita ini, kag ginsugid niya ini kay Moises. Si Moises dalidali nga nagdulhog. Sang nagahilapit na sia, nakita niya ang mga tao nga naga-inamba kag nagasaot sa palibot sang tinday nga bulawan! Naakig gid si Moises kag ginhaboy niya ang duha ka tapitapi nga bato nga may mga sugo, kag nadugmok ini. Nian gintunaw niya ang tinday nga bulawan kag ginbukbok ini nga nangin polbos.

Ang katawhan nga nagasimba sa tinday nga bulawan

Ginsilingan ni Moises ang pila ka lalaki nga kuhaon ang ila espada. ‘Ang mga malain nga nagsimba sa tinday nga bulawan dapat mapatay,’ siling niya. Gani ginpatay sang mga lalaki ang 3,000 ka tao. Wala bala ini nagapakita nga si Jehova lamang ang aton simbahon kag indi ang bisan anong butig nga mga dios?

Exodo 32:1-35.



Mga Pamangkot:

  • Sa laragway, ano ang ginahimu sang mga tao, kag ngaa?
  • Ngaa naakig si Jehova, kag ano ang ginhimu ni Moises sang makita niya ang ginahimu sang mga tao?
  • Ano ang ginsiling ni Moises sa pila ka lalaki nga himuon nila?
  • Ano nga leksion ang dapat maton-an naton gikan sa sini nga sugilanon?

Dugang pa nga mga pamangkot

  • Basaha ang Exodo 32:1-35.

    Suno sa sini nga rekord, paano ginatamod ni Jehova ang pagsamo sa butig nga relihion sa matuod nga pagsimba? (Ex. 32:4-6, 10; 1 Cor. 10:7, 11)

    Ano nga paghalong ang dapat himuon sang mga Cristiano sa pagpili sing kalingawan, subong sang pag-amba kag pagsaot? (Ex. 32:18, 19; Efe. 5:15, 16; 1 Juan 2:15-17)

    Paano ang tribu ni Levi nagahatag sing isa ka maayong halimbawa tuhoy sa pagtindog para sa pagkamatarong? (Ex. 32:25-28; Sal. 18:25)

Magtuon sing Dugang Pa

Ang mga Israelinhon Naghimo sang Bulawan nga Tinday nga Baka

Ang mga Israelinhon naghimo sang estatwa kag naghambal nga nagatiglawas ini sa Dios, pero nahamuot bala ang Dios sa sini?