Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Ang Akon Libro sang mga Sugilanon sa Biblia

Sugilanon 22: Ginbilanggu si Jose

Sugilanon 22: Ginbilanggu si Jose

SI Jose 17 ka tuig lamang sang gindala sia sa Egipto. Didto ginbaligya sia kay Potipar. Si Potipar nagapangabudlay para sa hari sang Egipto, nga gintawag Paraon.

Si Jose sa bilangguan

Si Jose nagpangabudlay sing maayo para sa iya agalon. Gani sang maghamtong si Jose, gintulin sa iya ni Potipar ang iya bug-os nga panimalay.

Si Jose nagdaku nga tuman kaambong nga lalaki, kag ang asawa ni Potipar luyag maghulid sa iya. Apang nakahibalo si Jose nga malain ini kag indi luyag maghimu sini. Naakig gid ang asawa ni Potipar. Gani nagbinutig sia sa iya bana kag nagsiling: ‘Inang malain nga Jose luyag maghulid sa akon!’ Ginpatihan ni Potipar ang iya asawa kag ginpabilanggu si Jose.

Bangid maayo nga tao si Jose, gintulin sa iya ang tanan nga bilanggu. Sang ulihi naakig si Paraon sa iya manugtagay kag sa iya manugtinapay, kag ginpabilanggu sila. Isa ka gab-i nagdamgo sila nga duha. Sang masunod nga adlaw si Jose nagsiling: ‘Isugid sa akon ang inyo damgo.’ Sang ginsugid nila, ginpaathag ni Jose ang kahulogan sang ila damgo sa bulig sang Dios.

Ginsugiran ni Jose ang manugtagay nga sa tatlo ka adlaw paguaon sia. Ginpangabay niya ang manugtagay nga dumdomon sia kon matabu ina. Apang sa manugtinapay sia nagsiling: ‘Sa tatlo ka adlaw ipapugot ni Paraon ang imo ulo.’

Sa tatlo ka adlaw natabu ang ginsiling ni Jose. Ginpapugot ni Paraon ang ulo sang manugtinapay. Apang ang manugtagay ginpagua kag nag-alagad liwat sa hari. Apang nalipatan niya si Jose! Gani nagpabilin si Jose sa bilangguan.

Genesis 39:1-23; 40:1-23.



Mga Pamangkot:

  • Pila ang edad ni Jose sang gindala sia sa Egipto, kag ano ang natabu sang didto na sia?
  • Ngaa nabilanggu si Jose?
  • Ano nga responsibilidad ang gintulin kay Jose sa bilangguan?
  • Sa bilangguan, ano ang ginhimu ni Jose para sa manugtagay kag manugtinapay ni Paraon?
  • Ano ang natabu sang makagua sa bilangguan ang manugtagay?

Dugang pa nga mga pamangkot

  • Basaha ang Genesis 39:1-23.

    Bisan pa wala sing nasulat nga sugo gikan sa Dios nga nagapakamalaut sang panghilahi sang adlaw ni Jose, ngaa nalagyo sia gikan sa asawa ni Potipar? (Gen. 2:24; 20:3; 39:9)

  • Basaha ang Genesis 40:1-23.

    Ilaragway sa malip-ot ang damgo sang manugtagay kag ang kahulugan nga ginhatag ni Jehova kay Jose. (Gen. 40:9-13)

    Ano ang gindamgo sang manugtinapay, kag ano ang kahulugan sini? (Gen. 40:16-19)

    Paano ginailog karon sang matutom kag mainandamon nga ulipon nga klase ang panimuot ni Jose? (Gen. 40:8; Sal. 36:9; Juan 17:17; Bin. 17:2, 3)

    Paano ang Genesis 40:20 nagahatag sing kapawa sa pagtamod sang mga Cristiano sa kaadlawan ukon birthday? (Man. 7:1; Mar. 6:21-28)

Magtuon sing Dugang Pa

BIBLE CARD

Bible Card: Potifar

I-download ining Bible card, kag kilalaha pa gid si Potifar, ang agalon ni Jose sa Egipto.