Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Ang Akon Libro sang mga Sugilanon sa Biblia

Ang Akon Libro sang mga Sugilanon sa Biblia

Ang Akon Libro sang mga Sugilanon sa Biblia
Si Jesus nga nagaistorya sa mga bata

LIBRO ini sang matuod nga mga sugilanon. Ginkuha ini sa labing dungganon nga libro sang kalibutan, ang Biblia. Ang mga sugilanon nagahatag sa imo sang maragtas sang kalibutan tubtob sa karon. Nagasugid pa gani ini sang himuon sang Dios sa palaabuton.

Ining libro nagasugid tuhoy sa kataohan sang Biblia kag kang mga butang nga ginhimu nila. Ginapakita man sini ang dakung paglaum sing walay katapusan nga kabuhi sa paraiso nga duta nga ginhatag sang Dios sa kataohan.

May yara 116 ka sugilanon sa libro. Natunga ini sa walo ka bahin. Ang isa ka pahina sa pamuno sang tagsa ka bahin malip-ot nga nagasugid sang masapwan sa amo nga bahin. Ang mga sugilanon pasunod suno sa pagkatabu sini sa matagtas.

Ang mga sugilanon ginasugid sa simple nga pamulong. Madamu nga kabataan ang makabasa sini. Matukiban sang mga ginikanan nga ang ila diutay nga kabataan malipay sa pagbasa sining mga sugilanon sa liwat kag liwat.

Ang mga sitas sa Biblia nahatag sa katapusan sang tagsa ka sugilanon. Ginapalig-on kamo nga basahon ining mga bahin sang Biblia nga ginpasaran sang sugilanon.

Ang halin sa Biblia nga kinutlo sa sining libro ginpabutyag sa iban nga pulong. Ginpabutyag ini sa simple nga pamulong agod mahangpan sang diutay nga kabataan. Ang mga sitas sa katapusan sang kada sugilanon nagahatag sang reperensia sa Biblia.