Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

Ano ang Biblia Para sa Imo?

Ano ang Biblia Para sa Imo?

Masiling ka bala nga . . .

  • libro nga ginhimo sang maalam nga tawo?

  • libro sang mga uluistorya ukon sugidsugid lang?

  • Pulong sang Dios?

 ANG GINASILING SANG BIBLIA

“Ang pagsulat sa bug-os nga Kasulatan gintuytuyan sang Dios.”—2 Timoteo 3:16, Bag-ong Kalibutan nga Badbad.

ANO ANG MABULIG SINI SA IMO?

Masabat ang importante mo nga mga pamangkot sa kabuhi.—Hulubaton 2:1-5.

Makabaton ka sing masaligan nga giya sa pagkabuhi.—Salmo 119:105.

Makahatag sa imo sing paglaum sa palaabuton.—Roma 15:4.

 MAPATIHAN GID BALA NATON ANG GINASILING SANG BIBLIA?

Huo, ari ang tatlo ka rason:

  • Nagahisantuanay. Ginsulat ang Biblia sang mga 40 ka lainlain nga tawo sa sulod sang sobra 1,600 ka tuig. Ang kalabanan sa ila wala nagkitaay. Pero ang kaundan sang Biblia nagahisantuanay, nga may isa lang ka panguna nga tema!

  • Nagasugid sing matuod. Sa masami wala ginasugid sang mga manunulat sang kasaysayan ang pagkapierde sang ila katawhan. Pero ginasugid sang mga manunulat sang Biblia ang ila personal nga mga sala kag ang sala sang ila pungsod.—2 Cronica 36:15, 16; Salmo 51:1-4.

  • Nagakatuman nga tagna. Gintagna sang Biblia nga malaglag ang dumaan nga siudad sang Babilonia, mga 200 ka tuig antes ini natabo. (Isaias 13:17-22) Ginsugid sini indi lamang kon paano ini malutos kundi pati na ang ngalan sang magahimo sini.—Isaias 45:1-3.

    Madamo pa nga tagna sa Biblia ang natuman bisan sa pinakagamay nga detalye. Pero indi bala nga amo gid sini ang dapat naton paabuton sa Pulong sang Dios?—2 Pedro 1:21.

 BINAGBINAGA

Paano makabulig ang Pulong sang Dios sa imo kabuhi?

Ginasabat ini sang Biblia sa ISAIAS 48:17, 18 kag 2 TIMOTEO 3:16, 17.

Magtuon sing Dugang Pa

Halin Gid Bala sa Dios ang Maayong Balita?

Ngaa makasiguro kita nga matuod ang mensahe sang Biblia?