Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

2016 Tuigan nga Libro sang mga Saksi ni Jehova

 TALALUPANGDON NGA MGA HITABO SANG NAGLIGAD NGA TUIG

Ginapadasig ang Pagtukod sang mga Kingdom Hall

Ginapadasig ang Pagtukod sang mga Kingdom Hall

MAKALILIPAY gid makita nga ginapadasig ni Jehova ang pag-uswag sang matuod nga pagsimba sa bilog nga duta! (Isa. 60:22) Subong resulta, padayon nga nagadamo ang kinahanglan nga mga Kingdom Hall. Sa bilog nga kalibutan, sobra 13,000 ang kinahanglan tukuron ukon kay-uhon.

Agod mapadasig ang hilikuton nga wala nagagasto sing daku, gin-implementar sang Nagdumala nga Hubon ang mga pagbag-o sa lainlain nga departamento sang konstruksion. Ang bag-o lang naporma nga Worldwide Design/Construction Department (WDC), nga nakabase sa ulong talatapan sa Brooklyn, New York,  nagatinguha gid nga unahon kag padasigon ang pagpanukod kag pagpangay-o sa bilog nga kalibutan. Ang Regional Design/Construction Departments (RDC) sa sanga sang Australasia, Central Europe, Estados Unidos, kag South Africa amo ang nagadumala sang mga proyekto sa ila mga rehiyon, nga nagakonsentrar sa madasig kag makinot nga pagpatindog sing mga Kingdom Hall. Ginahanas man sang mga RDC ang mga sanga sa ila rehiyon sa pagmentinar sang mga pasilidad sa mga teritoryo sang ila sanga. Kag sa tagsa ka sanga, ang Local Design/Construction Department (LDC) amo ang nagadumala sa pagpanukod kag pagmentinar sang mga Kingdom Hall kag mga Assembly Hall.

Sang Enero 2015, ang tanan nga gulang sa Estados Unidos nagtambong sa makakulunyag nga miting paagi sa video nga nagapaathag sang bag-o nga kahimusan sa pagplano, pagtukod, kag pagmentinar sang mga Kingdom Hall. Amo ini ang ila natun-an.

  • Pagpanukod: Ang mga desinyo kag materyales ginapahisuno sa lokal nga mga kahimtangan kag sa panuytoy sang Publishing Committee sang Nagadumala nga Hubon. Ang mga tinukod indi magasto imentinar kag mabakod, apang matahom ini kag indi tama ka mahal.

  • Pagmentinar: Ang mga boluntaryo sa tagsa ka kongregasyon ginahanas sa pagtatap agod indi dali maguba ang aton mga duog sang pagsimba.

Matuod, daku nga obra ang pagtukod kag pagmentinar. Apang daku ang mabulig sang nahiusa nga mga panikasog sang katawhan sang Dios agod mapadasig ang hilikuton sa paagi nga magamit sing maalamon ang mga donasyon.