Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

2016 Tuigan nga Libro sang mga Saksi ni Jehova

 INDONESIA

Indi Malipatan nga Kombension

Indi Malipatan nga Kombension

SANG Agosto 15-18, 1963, ginatos ka manugbantala sa bilog nga pungsod kag 122 halin sa iban nga pungsod ang nagtipon sa siudad sang Bandung, West Java. Matambong sila sa “Walay Katapusan nga Maayong Balita” nga Asembleya, ang una nga internasyonal nga asembleya sa Indonesia.

Sa paghanda sa sini, madamo sing kabudlayan ang mga kauturan. Tatlo ka beses nga ginbag-o ang tilipunan bangod sa pagsaulog sang Adlaw sang Kahilwayan sang pungsod. Sang nagtaas ang mga balaklon, ginpamahalan man sang mga opisyal ang plete sing 400 porsiento, gani ang pila ka delegado naghimo sing mga pagbag-o sa ila pagbiyahe. Ang isa ka utod naglakat sing anom ka adlaw agod makatambong. Setenta ka delegado halin sa Sulawesi ang nagbiyahe sing lima ka adlaw sakay sa buta sing pasahero kag wala sing atop nga mga sakayan agod makatambong.

Sa kombension, ang delegado nga mga Indonesian nalipay nga makilala ang ila mga kauturan sa iban nga pungsod, lakip ang duha ka miembro sang nagadumala nga hubon nga sanday Frederick Franz kag Grant Suiter. Isa ka delegado nagsiling: “Malipayon ang mga kauturan diri; pirme sila nagakadlaw kag nagayuhum.”

Sobra 750 ang nagtambong sa asembleya kag 34 ang nabawtismuhan. “Ini nga pagtilipon nagpahulag sa madamo nga interesado nga manindugan sa kamatuoran,” siling ni Ronald Jacka. “Bangod sini, nangin mapagsik ang lokal nga mga kauturan sa hilikuton sang Dios.”

Si Ronald Jacka (sa tuo) nagapamulongpulong sa 1963 nga “Walay Katapusan nga Maayong Balita” nga Asembleya upod sa iya interpreter

Magtuon sing Dugang Pa

Ngaa ang mga Saksi ni Jehova Nagatambong sa mga Asembleya?

Kada tuig, nagatipon kami para sa tatlo ka espesyal nga okasyon. Paano ka makabenepisyo sa sini nga mga pagtilipon?