Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

2016 Tuigan nga Libro sang mga Saksi ni Jehova

 INDONESIA

Gugma sa Tion sang Kalamidad

Gugma sa Tion sang Kalamidad

ANG mga linog, tsunami, kag mga bulkan masami nga nagapabudlay sa kabuhi sa Indonesia. Kon matabo ini, ang katawhan ni Jehova maabtik nga nagabulig sa mga biktima, ilabi na sa ila mga kauturan. Halimbawa, sang 2005 may mabaskog nga linog sa Gunungsitoli, ang pinakadaku nga banwa sa isla sang Nias sa North Sumatra. Ang mga kongregasyon sa kaingod nga mga isla sang Sumatra kag ang sanga talatapan nagpadala dayon sing mga suplay sa sini nga lugar. Ang manugtatap sang sirkito sa sini nga lugar kag ang representante sang sanga talatapan nagkadto dayon sa isla agod palig-unon kag pasaligon ang mga kauturan. “Grabe gid ang kahadlok sang mga tawo diri,” siling ni Yuniman Harefa, gulang sa Nias. “Pero ang maabtik nga pagbulig sang organisasyon sang Dios nagpasalig sa amon nga wala kami nagaisahanon.”