Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

2016 Tuigan nga Libro sang mga Saksi ni Jehova

 INDONESIA

Ang Bibelkring

Ang Bibelkring

SANG ulihi nga bahin sang dekada 1930, natukod sa palibot sang Lake Toba sa North Sumatra ang bag-o nga hublag sang relihion nga gintawag Bibelkring (nagakahulugan sa Dutch sing “grupo sang mga estudyante sang Biblia”). Nagsugod ini sang nakabaton ang pila ka manunudlo sang mga literatura sa nagbisita nga payunir, nga ayhan si Eric Ewins, nga nagbantala sa palibot sang Lake Toba sang 1936. Ang ila nabasa nagpahulag sa ila nga maghalin sa Protestante nga Simbahan sa Batak kag magtukod sing mga grupo sa pagtuon sa Biblia sa ila puluy-an. Nagdamo ini nga grupo kag naglapnag asta nga nakalab-ot sing mga ginatos ka miembro. *

Ang miembro anay sang Bibelkring nga si Limeria Nadap-Dap

Paagi sa mga literatura nga ginbilin sang payunir, nahibaluan sang una nga mga Bibelkring ang pila ka kamatuoran sa Biblia. “Indi sila magsaludo sa bandera, magselebrar sang Krismas kag birthday. Ang pila nagbantala pa gani sa mga balay,” siling ni Dame Simbolon, nga miembro anay sini kag nagbaton sang kamatuoran sang 1972. Bangod kulang sila sing suporta halin sa organisasyon sang Dios, sang ulihi naimpluwensiahan sila sang pangatarungan sang tawo. “Wala gintugutan ang mga babayi nga mangolorete, magsuksok sing alahas, moderno nga bayo, ukon sapatos,” paathag ni Limeria Nadap-Dap, nga miembro man anay kag karon Saksi na. “Gindilian man ang mga miembro nga magkuha sing identipikasyon nga kard sang pungsod, nga nagpaakig gid sa gobierno.”

Sang ulihi, nabahinbahin ang Bibelkring kag amat-amat nga nabungkag. Sang nagbalik ang mga payunir sa Lake Toba, madamo sa anay miembro sini ang nagbaton sang kamatuoran.

^ par. 1 Ang pila ka ginkuhaan sang impormasyon nagbanta nga may linibo sila ka miembro.