Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

2016 Tuigan nga Libro sang mga Saksi ni Jehova

 INDONESIA

Anak Gid Sia ni Sara

Titi Koetin

Anak Gid Sia ni Sara
  • NATAWO 1928

  • NABAWTISMUHAN 1957

  • MALIP-OT NGA BIOGRAPIYA Mataktikanhon nga nagbulig sa iya bana nga nagapamatok sa kamatuoran.—Panugiron sang iya bata nga si Mario Koetin.

SI Nanay mapinalanggaon, maamigahon, kag nagatahod gid sa Biblia. Sang naistorya niya si Gertrud Ott, nga misyonera sa Manado, North Sulawesi, nagpasugot sia dayon nga magtuon sing Biblia kag nagsulod sa kamatuoran. Apang ang amon tatay nga si Erwin, nga may mataas nga posisyon sa bangko kag nangin tsirman sang Jakarta Stock Exchange, namatok gid sa iya bag-o nga pagtuo.

Isa ka adlaw, ginpapili ni Tatay si Nanay.

“Magpili ka—relihion mo ukon bana mo!” singgit niya.

Namensar gid sing madugay si Nanay. Dayon malulo sia nga nagsabat, “Duha—ang akon bana kag si Jehova.”

Wala nakatingog si Tatay, kag nag-ugdaw ang iya kaakig.

Sang ulihi, medyo nagmatinuguton si Tatay, kay palangga gid niya si Nanay kag ginapabaloran ang kaalam kag paghangop ni Nanay.

Apang gusto ni Nanay nga makaupod ang iya bana sa kamatuoran. Sa tapos sang hanuot nga pangamuyo, nadumduman  niya nga nanamian si Tatay magtuon sang mga lenguahe. Gani nagdesisyon sia nga magbutang sing Ingles nga teksto sa palibot sang balay. “Gusto ko mag-uswag sa Ingles,” siling ni Nanay sa iya. Bangod nahibaluan ni Nanay nga nanamian si Tatay sa paghambal sa publiko, ginpangabay niya ini nga buligan sia sa pagpraktis sang iya mga bahin sa Teokratikong Eskwelahan. Nagsugot si Tatay. Nahibaluan man niya nga maabiabihon si Tatay, gani namangkot sia kon puede magdayon sa ila balay ang manugtatap sang sirkito. Nagsugot sia. Kag bangod nahibaluan niya nga palangga ni Tatay ang iya pamilya, gin-agda sia ni Nanay nga updan kami sa Cristianong mga kombension. Nag-upod si Tatay.

Ang pagpailob kag pagkamataktikanhon ni Nanay amat-amat nga nagdula sang pagpamatok ni Tatay. Sang nag-istar kami sa England, nagtambong si Tatay sa mga miting kag nag-amiguhay sila ni John Barr, nga nangin miembro sang Nagadumala nga Hubon. Sa sina man nga tuig, nabawtismuhan si Tatay, kag nalipay gid si Nanay. Sa masunod nga mga tuig, ginpalangga pa gid niya si Nanay.

Si Nanay mabuot, matinahuron, kag espirituwal nga babayi nga nagpalig-on sa tanan nga nakakilala sa iya

Ang pila namon ka abyan nagpaanggid kay Nanay sa unang siglo nga Cristiano nga si Lidia nga nagpakita sang tumalagsahon nga pagkamaabiabihon. (Binu. 16:14, 15) Pero, para sa akon daw si Sara sia, nga malipayon nga nagpasakop sa iya bana nga si Abraham. (1 Ped. 3:4-6) Si Nanay mabuot, matinahuron, kag espirituwal nga babayi nga nagpalig-on sa tanan nga nakakilala sa iya. Ang iya halimbawa nagbulig kay Tatay nga makasulod sa kamatuoran. Para sa akon, anak gid sia ni Sara.

Magtuon sing Dugang Pa

Ginapabakod Bala Ukon Ginaguba sang mga Saksi ni Jehova ang mga Pamilya?

Ang mga Saksi ni Jehova ginaakusahan kon kaisa nga nagapangguba sang pamilya. Pero mga Saksi gid bala ang ginabangdan sang kagamo?