Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

2016 Tuigan nga Libro sang mga Saksi ni Jehova

 INDONESIA

Singkuenta ka Tuig nga Espesyal Payunir

Alisten Lumare

Singkuenta ka Tuig nga Espesyal Payunir
  • NATAWO 1927

  • NABAWTISMUHAN 1962

  • MALIP-OT NGA BIOGRAPIYA Inspektor anay sang pulis nga nangin espesyal payunir sing mga 50 ka tuig.

SANG 1964, gin-asayn ako nga espesyal payunir sa Manokwari, West Papua, diin ang gamay nga kongregasyon mapintas nga ginpamatukan sang klero diri. Wala madugay pag-abot ko, gingubat ako sang ministro sang Protestante sa amon balay.

“Gub-on ko ini nga balay kag papason ang mga Saksi ni Jehova sa Manokwari,” singgit niya.

Bangod pulis ako anay, wala ako nahadlok sa iya pamahog. Pero, nagsabat ako sing kalmado, kag sang ulihi naghalin sia nga wala sing gamo.—1 Ped. 3:15.

Sa sina nga tion may walo ka manugbantala sa Manokwari. Sa karon, pagligad sang mga 50 ka tuig, pito na ang kongregasyon diri. Sobra 1,200 ang nagtambong sa kombension diri sang 2014. Kon hunahunaon ko ang nahimo ni Jehova sa sining nabaw-ing nga lugar, malipayon gid ako.