Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

2015 Tuigan nga Libro sang mga Saksi ni Jehova

 TALALUPANGDON NGA MGA HITABO SANG NAGLIGAD NGA TUIG

Dedikasyon sang Sanga sa Sri Lanka

Dedikasyon sang Sanga sa Sri Lanka

ANG lokal nga mga kauturan nagsuksok sing tradisyonal nga bayo sang taga-Sri Lanka kag gin-abiabi ang 130 ka delegado nga naghalin sa 19 ka pungsod agod magtambong sa dedikasyon sang sanga sa sining matahom nga isla. Ang mga kabataan nagkanta sing ambahanon sang Ginharian, kag nalipay ang tanan sa matahom nga mga displey, manamit nga pagkaon, kag manami nga musika, lakip ang makalilipay nga Cristianong pagpakig-upod.

Ang bag-o nga gintukod kag ginkay-o nga mga pasilidad sang sanga gindedikar kay Jehova sang Sabado, Enero 11, 2014, kag 893 ang namati sa programa nga ginhiwat sa tatlo ka lenguahe. Malawig nga namalakpak ang tumalambong sang namangkot si Mark Sanderson sang Nagadumala nga Hubon, “Luyag bala ninyo nga idedikar ining bag-o nga mga pasilidad kay Jehova nga Dios?”

 Pagkasunod nga adlaw, 7,701 ang nagtambong sa ginpakita liwat nga programa sang Sabado kag sa makapalig-on nga pamulongpulong ni Brother Sanderson. Na-hook-up ini sa lima ka dalagku nga lokasyon sa bilog nga pungsod. Sa una nga tion, paagi sa video streaming nakita kag nabatian sang mga kauturan sa lainlain nga bahin sang isla ang isa kag isa samtang nagaamba sila sang ambahanon sang Ginharian. Ini nga okasyon naghatag gid sing ‘kalipay.’—Neh. 12:43.

Magtuon sing Dugang Pa

Ano ang Ginahimo sa Sanga Talatapan?

Ang mga bisita mahimo mag-tour sa bisan diin nga sanga talatapan. Ginaagda namon kamo nga magbisita!

Mga Opisina kag Mga Tour: Sri Lanka

Ang mga bisita puede mag-tour nga wala sing bayad.