Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

2015 Tuigan nga Libro sang mga Saksi ni Jehova

 DOMINICAN REPUBLIC

Ginbuksan ni Jehova ang Tagipusuon sang Madamo

Leonardo Amor

Ginbuksan ni Jehova ang Tagipusuon sang Madamo
  • NATAWO 1943

  • NABAWTISMUHAN 1961

  • MALIP-OT NGA BIOGRAPIYA Nakatuon sing kamatuoran sang pamatan-on sia kag sobra na 50 ka tuig nga nagaalagad kay Jehova sing bug-os tion.

MGA isa ka bulan pagkatapos nga ginpatay si Trujillo sang 1961, nabawtismuhan ako samtang nagakuha sing kurso nga abogasiya sa isa ka unibersidad. Luyag sang akon amay nga mangin abogado ako, pero nakita ko nga mas labaw ang kaalam nga halin sa Dios. Gani bisan pa ginapilit ako sang akon amay nga mag-eskwela, nag-untat ako. Wala madugay pagkatapos sini, gintangdo ako bilang espesyal payunir.

Ang isa sa akon mga asaynment amo ang La Vega, isa ka lugar nga debotado sa Katoliko. Sang didto ako, wala gid sang nagbaton sing kamatuoran. Kon maghatag ako sing pamulongpulong publiko, ang akon lang tumalambong amo ang akon partner nga payunir. Pero, ginpabakod ako ni Jehova paagi sa personal nga pagtuon sa Biblia, pagtambong sa mga asembleya, kag hanuot nga pangamuyo. Ginpamangkot  ko si Jehova sa pangamuyo kon may maporma ayhan nga kongregasyon sa La Vega. Nalipay ako nga karon may 14 na ka kongregasyon, 800 ka manugbantala sang Ginharian, kag 6 ka Kingdom Hall didto.

Napangasawa ko si Ángela sang 1965, kag sang 1981 gin-agda kami nga mag-alagad sa Bethel. Sang nabawtismuhan ako, may ara lang 681 ka manugbantala sa pungsod. Karon sobra na 36,000 ang manugbantala, kag linibo ang nagatambong sa mga asembleya. Nagadayaw gid ako kon paano ginbuksan ni Jehova ang tagipusuon sang madamo sa kamatuoran sa Biblia.

Komite sang Sanga, halin sa wala pa tuo: Reiner Thompson, Juan Crispín, Thomas Dean, Leonel Peguero, Leonardo Amor, kag Richard Stoddard