Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

2014 Tuigan nga Libro sang mga Saksi ni Jehova

 SIERRA LEONE KAG GUINEA

Nabihag Gid Ako sang Sierra Leone

Cindy McIntire

Nabihag Gid Ako sang Sierra Leone
  • NATAWO 1960

  • NABAWTISMUHAN 1974

  • MALIP-OT NGA BIOGRAPIYA Misyonera halin sang 1992. Nag-alagad sa Guinea kag Senegal, kag subong nagaalagad sa Sierra Leone.

DUHA ka semana pa lang ako sa Sierra Leone, nabihag na ako sa katahom sini. Nagdayaw gid ako nga daw nagahayunhayon lang ang mga tawo bisan pa mabug-at ang ila ginatus-on. Ang mga kabataan nagahinampang kag nagasinaot sa mga dalan, nga ginadunganan sang pagpamalakpak kag paglagpuk-lagpok sang ila mga tiil. Mabatian ang lainlain nga musika. Madamo ka sing makita nga kolor. Kasadya gid sang palibot!

Pero ang nanamian ko gid diri amo ang pagbantala. Kilala ang mga taga-Sierra Leone nga maabiabihon sa mga bisita. Ginatahod nila ang Biblia kag ginapamatian ang mensahe sini. Masami ginapasulod nila ako sa ila puluy-an. Ang iban gani nagadul-ong pa asta sa karsada kon maghalin na ako. Natabunan sining matahom nga mga kinaiya ang diutay nga mga kabudlayan, pareho sa kakulang sing tubig kag elektrisidad.

Bangod wala ako sing bana, ang mga tawo nagapamangkot kon nasubuan man ako. Ang matuod, bangod masako ako sa hilikuton wala na ako sing tion nga magpangasubo. May katuyuan gid ang akon kabuhi.