Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

2014 Tuigan nga Libro sang mga Saksi ni Jehova

 SIERRA LEONE KAG GUINEA

“Indi Ka Gid Matuigan”

Zachaeus Martyn

“Indi Ka Gid Matuigan”
  • NATAWO 1880

  • NABAWTISMUHAN 1942

  • MALIP-OT NGA BIOGRAPIYA Nagsugod sa pagpayunir sa edad nga 72.

WALA pa gid nakaagi tuon sa Biblia si Zachaeus. Pero, sang nabasa niya ang libro nga Salvation kag The Harp of God, narealisar niya nga nasapwan niya ang kamatuoran.

Isa ka Domingo sang aga sang 1941, naglakat si Zachaeus para magtambong sa una nga tion sa miting sang mga Saksi, nga walo ka kilometro padulhog sa mataas nga bukid. Bangod wala sia makahibalo kon ano oras ang miting, temprano pa sia katama nag-abot. Gani nagpungko si Zachaeus kag naghulat sa mga utod. Pagkatapos makatambong sing tatlo ka beses sa mga miting kon Domingo sa Kingdom Hall, ginsilingan niya ang Anglican Church sa ila lugar nga kuhaon ang iya ngalan sa listahan sang mga miembro sini.

Ang isa niya ka suod nga abyan sa sina nga simbahan nag-uligyat sa iya, “Tigulang ka na. Kon magsige ka taklad kag dulhog sa bukid sing walo ka kilometro pakadto sa simbahan sina nga mga tawo, indi ka gid matuigan.” Nakita sini si Zachaeus nga nagataklad kag nagadulhog sa bukid duha ka beses kada semana sa sulod sang lima ka tuig. Pagkatapos, ini nga abyan napatay! Pagligad sang 25 ka tuig, mapagsik gihapon si Zachaeus.

Si Zachaeus matutom nga nag-alagad kay Jehova tubtob sa iya kamatayon sa edad nga 97.