Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

2014 Tuigan nga Libro sang mga Saksi ni Jehova

 SIERRA LEONE KAG GUINEA

Impormasyon Tuhoy sa Sierra Leone kag Guinea

Impormasyon Tuhoy sa Sierra Leone kag Guinea

Pungsod Ang duha ka pungsod madamo sing katunggan, kapatagan, kaumhan, kag kabukiran. Sa Guinea nagahalin ang tatlo ka dalagku nga suba sang Katundan nga Aprika—ang Gambia, Niger, kag Senegal.

Pumuluyo Ang Mende kag Temne amo ang pinakadaku sa 18 ka tumandok nga tribo sang Sierra Leone. Ang Krio, nga kaliwat sang nahilway nga mga ulipon nga Aprikano, nagapuyo sa palibot sang Freetown. Ang Guinea may sobra 30 ka etniko nga grupo, kag ang pinakadaku sa sini amo ang Fulani, Mandingo, kag Susu. *

Relihion Mga 60 porsiento sang taga-Sierra Leone mga Muslim; ang iban nagapangangkon nga mga Cristiano. Halos 90 porsiento sang taga-Guinea mga Muslim.  Kalabanan sang pumuluyo sining duha ka pungsod nagasunod man sa relihion sang mga Aprikano.

Lenguahe Ang kada etniko nga grupo may kaugalingon nga lenguahe. Ang panguna nga lenguahe sang Sierra Leone amo ang Krio—kombinasyon sang Ingles, Europiano, kag Aprikano. French naman ang opisyal nga lenguahe sang Guinea. Mga 60 porsiento sang mga pumuluyo sang duha ka pungsod ang indi kabalo magbasa kag magsulat.

Palangabuhian Ang kalabanan nagapanguma kag iguigo lang ini para sa ila konsumo. Halos katunga sang ginakita sa eksport sang Sierra Leone nagahalin sa mga brilyante nga makuha sa suba. Ang Guinea isa sa may pinakamadamo nga bauxite sa bilog kalibutan.

Pagkaon Ang ila popular nga ekspresyon “Kon wala sing kan-on, daw wala ako nakakaon!” Ang fufu, tinanok nga balinghoy nga ginbayo, masami ginaparisan sang karne, okra, kag maaslom nga sawsawan.

Klima Mainit kag mapaang sa higad baybay. Mabugnaw naman sa kabukiran. Kon tig-ilinit, inadlaw nga nagahuyop ang harmattan, ang mapaang nga hangin sang Sahara. Gani, naganubo ang temperatura kag tama kayab-ok ang palibot.

^ par. 4 Ang pila ka tribo may lainlain nga ngalan.

 

SIERRA LEONE

GUINEA

DUTA (square miles)

27,699 (71,740 kilometros kuadrados)

94,926 (245,857 kilometros kuadrados)

POPULASYON

6,092,000

11,745,000

MANUGBANTALA SANG 2013

2,039

748

RATIO SANG MANUGBANTALA 1 SA KADA

2,988

15,702

NAGTAMBONG SA MEMORYAL SANG 2013

8,297

3,609