Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 99:1-9

BALAYAN SANG KAUNDAN

  • Si Jehova, ang balaan nga Hari

    • “Nagapungko sia sa trono sa ibabaw sang mga kerubin” (1)

    • Nagapasaylo kag nagasilot (8)

99  Si Jehova nangin Hari.+ Nagakurog ang katawhan. Nagapungko sia sa trono sa ibabaw* sang mga kerubin.+ Nagatay-ug ang duta.   Si Jehova gamhanan sa Sion, Kag nagagahom sia sa tanan nga katawhan.+   Dayawon nila ang imo dungganon nga ngalan,+ Kay makahalawhaw ini kag balaan.   Isa sia ka gamhanan nga hari nga nagahigugma sang katarungan.+ Ginpasad mo sing malig-on ang pagkamatarong. Ginpaluntad mo ang katarungan kag pagkamatarong+ kay Jacob.*   Dayawa ninyo si Jehova nga aton Dios+ kag magyaub* kamo sa palatungan sang iya tiil;+ Balaan sia.+   Sanday Moises kag Aaron nalakip sa iya mga saserdote,+ Kag si Samuel isa sa mga nagpanawag sa iya ngalan.+ Nagpanawag sila kay Jehova, Kag ginsabat niya sila.+   Nakighambal sia sa ila halin sa haligi nga panganod.+ Gintuman nila ang mga pahanumdom kag pagsulundan nga ginhatag niya sa ila.+   O Jehova nga amon Dios, ginsabat mo sila.+ Ginpasaylo mo ang ila kasaypanan,+ Apang ginsilutan* mo sila bangod sa ila mga sala.+   Dayawa ninyo si Jehova nga aton Dios+ Kag magyaub* kamo sa iya balaan nga bukid,+ Kay si Jehova nga aton Dios balaan.+

Footnote

Ukon mahimo, “tunga.”
Ukon “sa mga kaliwat ni Jacob.”
Ukon “magsimba.”
Sa literal, “gintimalusan.”
Ukon “magsimba.”