Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 98:1-9

BALAYAN SANG KAUNDAN

  • Si Jehova, Manluluwas kag Hukom

    • Ginpahayag ang iya pagluwas (2, 3)

Isa ka salmo. 98  Mag-amba kamo kay Jehova sing bag-o nga ambahanon,+ Kay naghimo sia sing makatilingala nga mga butang.+ Ang iya tuo nga kamot, ang iya balaan nga butkon, naghimo sing pagluwas.*+   Ginpahayag ni Jehova ang iya pagluwas;+ Ginpakita niya ang iya pagkamatarong sa mga pungsod.+   Gindumdom niya ang iya mainunungon nga gugma kag katutom sa panimalay sang Israel.+ Nakita sang bug-os nga duta ang pagluwas sang aton Dios.*+   Magsinggit ang bug-os nga duta sa atubangan ni Jehova bangod sa kadalag-an. Magkasadya kag magsinggit sa kalipay kag mag-amba sing mga pagdayaw* sa Dios.+   Mag-amba kamo sing mga pagdayaw* kay Jehova Nga ginatukaran sang arpa.   Upod sa mga trumpeta kag sa tunog sang budyong,+ Magsinggit sa kadalag-an sa atubangan ni Jehova nga aton Hari.   Magdaguhob ang dagat kag ang tanan nga yara sa sini, Ang duta* kag ang mga nagaistar sa sini.   Magpamalakpak ang mga suba; Maghugyaw sa kalipay ang tanan nga kabukiran+   Sa atubangan ni Jehova, kay magakari* sia sa paghukom sa duta. Hukman niya ang duta* sa pagkamatarong+ Kag hukman niya sing alalangay ang mga tawo.+

Footnote

Ukon “naghatag sa iya sing kadalag-an.”
Ukon “ang kadalag-an sang aton Dios.”
Ukon “maglanton.”
Ukon “Maglanton kamo.”
Ukon “mapatubason nga duta.”
Ukon “nagkari.”
Ukon “mapatubason nga duta.”