Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Salmo 96:1-13

BALAYAN SANG KAUNDAN

  • ‘Mag-amba kay Jehova sing bag-o nga ambahanon’

    • Si Jehova, takus gid nga dayawon (4)

    • Wala pulos dios sang katawhan (5)

    • Isul-ob ang balaan nga panapton (9)

96  Mag-amba kamo kay Jehova sing bag-o nga ambahanon.+ Mag-amba kamo kay Jehova, kamo tanan sa duta!+   Mag-amba kamo kay Jehova; dayawa ang iya ngalan. Ibantala ninyo sa adlaw-adlaw ang maayong balita tuhoy sa iya pagluwas.+   Ipahayag ninyo ang iya himaya sa mga pungsod, Ang iya makatilingala nga mga binuhatan sa tanan nga katawhan.+   Si Jehova gamhanan kag labi gid nga takus dayawon. Makahalawhaw sia labaw sa tanan nga dios.   Ang tanan nga dios sang katawhan wala sing pulos nga mga dios,+ Apang si Jehova amo ang naghimo sang kalangitan.+   Yara sa iya presensia ang pagkahalangdon* kag ang himaya;+ Yara sa iya santuaryo ang kusog kag ang katahom.+   Padunggi ninyo si Jehova, kamo nga mga pamilya sang katawhan, Padunggi ninyo si Jehova bangod sang iya himaya kag kusog.+   Ihatag ninyo kay Jehova ang himaya nga nagakadapat sa iya ngalan;+ Magdala kamo sing regalo kag magsulod sa iya mga luwang.   Magyaub* kamo kay Jehova nga nagasul-ob sing balaan nga panapton;* Magkurog kamo sa kahadlok bangod sa iya, kamo tanan nga katawhan sa duta! 10  Ibantala sa mga pungsod: “Si Jehova Hari na!+ Napasad sing malig-on ang duta;* indi gid ini matay-ug.* Hukman* niya ang katawhan sing makatarunganon.”+ 11  Magkasadya ang langit, kag magkalipay ang duta; Magdaguhob ang dagat kag ang tanan nga yara sa sini;+ 12  Magkasadya ang mga latagon kag ang tanan nga yara sa sini.+ Magsinggit man sa kalipay ang tanan nga kahoy sa kagulangan+ 13  Sa atubangan ni Jehova, kay magakari sia,* Magakari sia sa paghukom sa duta. Hukman niya nga may pagkamatarong ang duta*+ Kag hukman niya nga may katutom ang katawhan.+

Footnote

Ukon “kadungganan.”
Ukon “Magsimba.”
Ukon mahimo, “bangod sa pagkahalangdon sang iya pagkabalaan.”
Ukon “mapatubason nga duta.”
Ukon “mationg.”
Ukon “Sakdagon.”
Ukon “nagkari sia.”
Ukon “mapatubason nga duta.”